Hong Kong cozah nih cun a ram chungah ramdang mi hna nih thil t’halo a tuahtu an um ah cun cu bantuk minung hna cu an mah ram chungah kirter dingah le va chiah dingin phunghram thar an ser i,cu phunghram thar an ser mi cu China ram mi Hong Kong khuapi chung khuasa mi zei maw zat hna nih an duhlo i sandah an piah.hi thil hi China cozah nih Hong Kong cozah hi lak a tim lo tiah chim khawh bak a si loh.
Hong Kong ram hruaitu hna nih cun hi phunghram thar kan sermi cu China ram mi nih Hong Kong ram chungah an duh mi paoh thil an tuah mi le ningcanglo in kan ram chungah khuasa mi hna caah sermi a si i,a bik in China ram mi hna caah serthar mi phunghram a si.zeicahtiah Hong Kong ram chungah thil t’halo a tuahtu hna cu China mipi hna an si.an duh tawk in sandah cu piah ko hna hmanh sehlaw biachahnak kan tuah mi ning tein kalpi a si ko lai tiah an chim t’han rih.
Cun Hong Kong hruaitu hna nih cun hi bantuk phunghram thar kan sermi hna hi a ngaingai kan tiah cun human rights Nuhrin covo kan humhim a si fawn tiah an chim.asinain China media pawl hna nih cun Hong Kong nih mah bantuk phunghram an sermi hi an mah lungtho tein an sermi a si lo,ramdang mi nih an forh mi hna an si tiah an rak chim ve.
Cun Hong Kong hruaitu hna nih cun hi phunghramthar kan ser mi kongah kan rian t’uan ning le kan cawlcangh nak hna cu a dihlak in reporter pawl hna sin ah le human rights rian t’uantu pawl hna sin ah regular tein report nak kan tuah peng lai tiah an chim.
Source: BBC
