Hong Kong Parliament pawl hna nih cun an ram chung ah ramdang mi a raklut mi hna kongah le khuasa mi hna kong ah phunghram thar ser i cu phunghram thar an ser mi ning cun cawlcangh dingah biaceih t’i nak an tuah.cu biaceiht’i nak an tuah nak hmun ah cun China(Tuluk) ram mi politicians zei maw hna nih cun Hong Kong ram chungah cu hlan bantuk in zalong tein um khawh nak kan duh tiah ziknawh in rian an rak t’uan ve.
Asinain Hong Kong Parliament hna nih cun hi thil kongah phunghram thar cu kan ser awk a si ko tiah biaceihnak cu an tuah i cu biaceihnak an tuah nak zuung chungah cun phunghramthar ser a duhlo mi hna nih an buai hnawh hna i mi tampi an hliam hna.an hliam mi hna chungin Paliament minung pakhat cu fak tuk in an hliam caah a nun nak caah t’ihnung ngai a si tiah an chim.
Cun Hong Kong authorities nih a chim ningah cun hi phunghramthar ser kan duh nak cu China(Tuluk) miphun hna ca ko ah a si tiah a chim. zeicatiah hi phunghrampi ser ding in China, Beijing Parliament pawl hna nih cun Hong Kong authorities hna sin ah phunghramthar ser ding in voi tampi nawlpatnak an tuah cang caah a si tiah a chim fawn.
Hi phunghram ser nak kongah chairman a tlaitu hi Hong Kong democracy phunghram sertu James To a si.a mah belte buaibainak tampi a chuah caah le chairman a t’uan cuahmah lio ah a taksa a t’ang bak ah an tleih i an cumh benh nak ruangah a t’hutnak cung in a zuan i hliamhma fak tuk in a tuar caah an nun nak tiang in t’ihnung a si tiah an chim.hi kongah Hong Kong authorities nih zei bantuk in dah rian a t’uan lai ti cu theih a si rih lo tiah an chim.
Source: BBC
