House Speaker Nancy Pelosi Nih Cun Trump Nih A Mah Nawl In Iran Ram Cu Kah Nak Nawl A Ngeilo

American cozah nih Iran cu a herh a si ah cun na cawlcangh ning zoh in kah na si lai tiah a ralkap hna le a hriamnam tam lak hna cu Middle East ram ah a cheek cuahmah hna tik ah Democrats le Republicans senator pawl hna nih cun Wite House nih Iran cozah he an karlak thil umtu ning hna cu zei dah a sullam taktak a si ti an chimh rih hna lo caah an rak phunzai tiah an chim.

 

Cun Washington nih cun Iran cozah le US ram thil umtu ning cu a t’hat lei nak in a chia lei thil a chuah cuahmah caah kap hnih cozah karlak thil umtu nung cu a tawi fian nak tu in Democrats le Republicans senator pawl hna sin ah chim phuan nak tuah a si ko lai tiah a chim.

 

Cun Iran le US cozah karlak thil umtu ning hna cu Trump ral a si mi House Speaker Nancy Pelosi le a hnu zultu pawl hna zong nih, Trump nih cun kan sin ah fianternak le Iran cozah cungah zei set dah tuah a timh ti mi fianter nak cu a kan tuahpi awk a si tiah an rak zai ve fawn tiah an chim.

 

Cun US cozah nih Iran hi kah duh hmanh sehlaw Congress hruaitu hna nih theihpi nak minsen a tuah piak hna lo ah cun Trump nih a mah pakhat ruahnak le a thinlung lawng in Iran ram cu kah/tuk nak nawl a nei lo tiah a chim fawn.

 

Source: AP

Author: Salai Ephraim