Huawei Company Ruangah United States Commerce Department Chungum 130 Company Hna Cu An Buai Cuahmah

United States Commerce Department nih a chim ningah cun America ram chungah company lian taktak mi pawl company 130 tluk hna nih cun America nih a ram chungah China ram thil chuak zuar lo ding le pehtleih lo dingin an kham mi cu China company, Huawei Techno­logies Co Ltd hna he ipehtleihnak le thing tein zuar t’i dingin nawlpatnak an tuah t’han tiah a chim.asinain America ram chung company 130 hna nih nawlpatnak an tuah mi cu US cozah nih pakhat hmanh a pom piak duh rih hna lo tiah an chim.

 

A luancia May thla chungah khan America nih China Huawei Technologies Co Ltd hna cu “blacklist” ah a rak chiah hna pin ah China Huawei Technologies Co Ltd thil ser mi hna cu a ram chungah zuar lo dingin a phih khar piak hna pin ah an i pehtleihnak le rian an t’uanti nak vialte zong a chah cang.asinain cu tibantuk biachahnak an tuah hnu ah president Donald Trump nih cun America ram chungah China chuak thil zei maw zat hna cu zuar khawh nak dingin a tuah t’han.

 

President Donald Trump nih cu tibantuk thil a tuah t’han mi ruangah US company lian mi pawl hna nih US thil chuak zuar khawh nak dingin Trump cozah sin ah “licence” an hal ve t’han.cu tik ah Trump nih cun China Huawei Technologies Co Ltd hna le US company hna cu rian t’uanti ka duh lo tiah a rak leh t’han hoi hna tik ah mi zei hmanh “licence” a pe duh t’han hna lo.

 

US Commerce Department official William Reinsch nih cun nih China company, Huawei Techno­logies Co Ltd hna le US company hna karlak ah a rian t’uan ning hi theih khawh a si lo.zeicatiah mi zei maw hna cu siang tein thil zuar khawh nak nawl a pek hna i a cheu chum hna cu thil zuar kho lo in a tuah fawn hna.China Huawei Technologies Co Ltd hna cu vawlei cungah smart phone a sertu hna lak ah a lian cem mi company an si.Trump nih an mah he rian t’uanti a duh lo nak a sullam cu national security ven him nak ca a si caah special license a nei mi hna caah cun a poi lai lo.mipi nih theih awk a har ngai mi a si tiah a chim.

Source: BBC

Author: Salai Ephraim