ICJ Le UNHRC Nih Tuluk Ram Cu An Hloh Te Men Lai Hi Mu

Atu lio vawlei pi nih a buaipi cuahmah mi Covid-19 hrik a chuah nak Tuluk ram cu (WHO) tel lo in ramdang vialte nih Tuluk sermi a si ko lai tiah an ruah cang.cu ruangah International Council of Justice (ICJ) nih cun United Nations Human Rights Council (UNHRC) sin ah Tuluk cu (Action) hrem nak pek dingin nawlpatnak a tuah cuahmah tiah theih a si.

Tuluk ram in a chuak mi zawt nak hrik Covid-19 le International Council of Justice (ICJ) nih UNHCR sin ah Tuluk ram sual a phawt nak konghe pehtlai in London based ICJ president le All India Bar Association chairman, Adish C Aggarwala hna nih cun UNHRC nih Tuluk ram cu sual a phawt hna lo i,dai tein a um ko a si ah cun thil t’ha nak in a t’halo mithil nih a pehzulh deuh lai tiah an chim.

Zeicatiah a tu lio vawlei pi nih nih a tuar cuahmah mi Covid-19 hrik hi an mah Tuluk nih a ser mi sihlah hmanh sehlaw,an mah Tuluk ram in a chuak mi a si.cucu Tuluk ram ningcang tlaih lo ruangah a si caah UNHRC nih an sual man cu an pek hna awk a si tiah an chim.cun,hi zawt nak hrik hi felfai tein Tuluk nih a tawlrel lo ruangah ramdang ah hi zawt nak hrik hi a karh chinchin nak cu a si.Tuluk ram thil sual tuah ruangah vawlei pi sumdawng nak a t’um chuk ter i,hi thil sual a chuah nak a hrampi cu Tuluk an si tiah UNSC ah complaint an tuah.


Cun,United Nations Human Rights Council (UNHRC) nih Tuluk a hmuh ning ah cun Tuluk hi Covid-19 zawt nak hrik kongah ( Charters and Guidelines) thil a tuahtu an si.a tu ah vawlei cung pumpi thinphang in a tuahtu thlalau in a chiatu tu cu Tuluk an si.Cu pin ah minung tam tuk an thattu an si fawn.Tuluk nih vawlei cung ram dangdang he sumdawnnak ah a pehtleih mi paoh hna sin ah hi zawt nak rai hi a karhter. human rights zong a buarmi a si a mah belte Tuluk nih hi thil a tuahmi hi tehte hmuh khawh mi a um rih lo caah kherhlai nak tuah cuahmah a si lai tiah a chim.