Independent Kan Hmuh Hnu In Federal Kan Hmuh Khawh Lo Nak A Ruang Hi USDP Le NLD Hna Hi Dawntu An Si Maw?

Federal uknak hmuhnak ding caah CNF/A le CNLD;Independent kan hmuh hnu in kum70 leng arau cang hi chung ah hin USDP le NLD tbk nih kan chinram ah si seh kan myanmar ram pi ah si seh an kan uk i tu ni tiang an kan uk.Independent hmuh hnu ah federal pek ding ti mi biakam cu an tling ter duh bak loh.federal pek le pek lo bia aum lo.a rim hmanh an kan theih ter lo ti ding asi.

 

Kum 70 leng kai an kan uk cang mi chung ah hin federal muisam a lang loh.cu caah USDP le NLD nih hin cun federal hi an kan tuah piak lai i an kan pek lai ti hi cu ruahchan awk aum ti lo.hmai lei zawng ah fawi tein an kan pek lai ka zumh loh. zumh awk ding zawng ahar cang. Alung afim ko mi hna nih cun nan zumh ti ve hna lai lo dah.Cu caah federal kan hmuh nak ding caah ruah chan awk a um mi cu CNF/A le CLND lawng an si cang.Aruang cu Federal hi an hmuitinh pakhat ah ai ter mi asi i biapi tak tak zawng in an chiah mi asi.kan i hngahhlang ngai mi federal kan hmuh khawh nak ding lam cu CNF/A le CNLD le Chin miphun kan dih lak kan t’anti a hau.

 

Federal kan hmuh hnu lawngah Chin miphun hna nih kan chunmang asi mi Biaknak zalawng nak /Ca le Holh than choter nak/nunphung than choter nak le mah miphun caah mah nih tawlrel khawh nak tbk hna hi atling kho lai.Atu lio a Cozah pi(NLD) nih 2008phunghrampi cu remh an i tim cuah mah lio ti cu kan theih cio mi asi aremh zawng an remh kho te men ko lai.An remh khawh asi le lawmh awk ngai asi ko.Asinain Chinmi le tlangcungmi hna caah cun i lawmh ding zat in i lawmh awk at’ha rih loh federal ram kan hmuh hlang chung cu.2008phunghrampi an remh khawh zawng ah federal kan hmuh lo cun kan miphun kan caah that hnem nak a ngei tuk lai ka zum lo.

 

Aruang cu democracy lawngin i uknak ram asi caah mitam deuh duh ning t’hiam t’hiam in kal a hau lai i mitam deuh asi mi kawl pawl duh ning in kan kal t’hiam t’hiam ko lai ti nak asi.kan miphun nih kan duh mi kha an duh ve lo ah cun (vote)pek in an kan tei lai caah kan duh mi kha kal tak in an duh ning kha zulh t’hiam t’hiam kan hau ko lai.Afawi nak cun kawl uk nak tang ah kan um t’hiam t’hiam ko lai ti nak asi.

 

Kan lungfim nak ding caah pakhat in ka rak chim lai- Prime Minister U Nu Chan ah kan democracy phungning tein Duddhism biaknak cu myanmar ram biak nak caah an chiah.aruang cu mitam deuh an si caah vote in biaknak dang pawl vialte cu an kan tei caah asi.cu nih thawk in nihin ni tiang kan Chinam ah kan biaknak zalawng nak aum kho ti lo.Kan biaknak hmelchuhnak asi mi Vailamtung hna zawng phoipiak hna kan tong.Biakin sak nak zawng ah zalawng nak kan hmu kho ti lo.aruang cu federal ka hmuh lo tik ah biaknak zalawng nak aum lo.

 

Zalawng tein kan ram teah um nan duh ve cio lai ka zumh.Cu caah CNF/A le CNLD hi dirlpi hna uh sih.Chinmi kan chunmang atling ter kho tu ding an si.“kan miphun le kan ram dawtnak lungput he”By SK Cung Tin Uk Zaathang.

 

Credit: vanvanews.com (SK Cung Tin Uk Zaathang)

Author: Salai Ephraim