Indonesia President Joko Widodo nih cun Indonesia Parliament pawl hna sin ah Indonesia ram chung khuapi Jakarta cu Borneo tikulh khuapi ah t’hial dingin a chimh hna.President Widodo nih cun nizan ah khan parliament hruaitu hna sin ah “state of the union speech”biachim nak a ngei i cu a bia chim nak ah cun Indonesia ram khuapi caah cun Jakarta hi zei hmanh a si ti lo caah Borneo tikulh khuatu hi Indonesia ram khuapi si cang seh tiah a chim.
Cun,Indonesia ram khuapi t’hial nak ding ah Parliament nih an cohlan piak a herh bantuk in a voi khat nak caah Parliament ah a chim hi a si tiah an chim.Indonesia ram khuapi t’hial nak konghe pehtlai in Indonesia President Joko nih cun a hlan kan pi in timhtuah nak a rak ngei cang tiah an chim.cun, Indonesia ram khuapi si awk ah cun akarta khuapi hi a pahnih nak khuapi si awk lawng ah a tlak cang mi a si tiah President Joko nih a chim.
Cun, Indonesia ram khuapi t’hial nak ding caah hi tibantuk in bia ka chim mi hi vawlei cung ram pakhat nih a t’hang cho mi sinak a langhter tu a si ko.ningcang lo thil a si lo i,phung ning tein a si ko tiah a chim.a mah belte Parliament nih nan ka cohlan a si ah cun Central Kalimantan, East Kalimantan le South Kalimantan mah hna pathum ah hin khuapi t’hial cu ka duh mi a si tiah a chim.
Indonesia ram khuapi t’hial ka duh nak a sullam taktak cu Jakarta khuapi cu minung an tam tuk caah le inn dir nak hmun hma a um ti lo caah t’hial hrimhrim dingin ka duh.cun, hi khuapi t’hial nak ding caah chawva $ 1.5 million leng a dih lai pin ah khuapi t’hial nak ding caah cun hi hnu kum 10 renglo a rau dingmi a si tiah an chim.a mah belte hi kongah Parliament hna nih cohlan nak ngaingai zei hmanh an tuah piak rihlo caah President Joko nih kei mah president ka si chung hrimhrim ah khuapi t’hial ding a si lai tiah a chim.
Source: BBC
