International Court Of Justice (ICJ) nih Myanmar kong ah biaceih nak ka ngei ti ah cathanh a chuah!

ICJ nih Myanmar kong ah Biaceihnak nawl kan ngei tiah July 22 ah cathanh an chuah,Rohingya miphun cihmih lainawnnak kong ah International Court of Justice( ICJ ) ah Gambia nih taza a cuai mi cu Myanmar nih biatung 4 in al nain Myanmar nih a alnak biatung 4 cu ICJ biaceihbawi nih a hnon hna.

Cu caah Myanmar nih Rohingya miphun cu miphun cihmih a timh ko hna timi sualphawtnak ICJ ah biaceih a si lai.

Credit: The Chin Post

Relchap:July 21 ni Kalaymyo peng Kyi Mon Kyung khua ni chuah lei kam ah mizapi ralkap PDF-Kalay battalion 1,2,5,6,7 le ပကဖ, CDF-KKG, CNDF-VAKOK, RKDF fonh nih SAC ralkap pawl cu an rak kah hna, Cu kahdohnak ahcun SAC ralkap minung 15 an thi i hliam a tuar mi an tam tiah Kalay PDF nih cun an langhter.

“Mizapi nih cathanh kan chuah mi hi kan zulh piak hram u law kan duh ko. Meithal thawng nan theih le cang ka in lengah chuak in zoh hrimhrim hlah u, ahimnak hmun ah i thup u law a ttha.

Cun ral kan doh tikah meithal kuan a dih, cucaah meithal kuan cawknak zong kan bawm hram u” tiah mizapi sin ah theihternak le nawlnak zong PDF Kalay battalion 6 in ralkap pakhat nih a langhter.

Credit: Suimilam Media

Author: Salai Ephraim