Iralrin Awk: Kawl Rammi Nu Muidawh Minung 20 Bak An Boss Le Hna Nih An Zuarmi Hna Cu An Chanh Khawh Hna

Kan chim cia bantuk in Kawl ram cozah t’hatlo ruangah kawl ram mi cu hmun kip ka kip ah misal va t’uan dingah le mi duhlo mi a t’uantu ding ah kan vanvai cio bantuk in Kawl ram Ngaknu mui dawh minung 20 hna zong hi Kawl ram in Malaysia lei ah rian t’uan dingin a kal mi hna cu Thailand ramri a si mi Sadawng District an phanh ah an Boss le hna nih Ngaknu minung 20 hna cu ningcanglo in an taksa an zuar ter hna.

Cun,Kawl ram lengdawh minung 20 hna lak ah hin ngakchia zong an itel i an tutan ah an chanh khawh mi hna zong hi an Boss le hna nih Sadawng District,Songkhala khua ah an zuar hna i,an i zuar dih paoh in an Boss le hna nih cun kudawng(inn khan)pakhat chungah an dih lak in an erh tawn hna.cu inn khan chung an erh nak hna ah cun ngakchia cu an t’ap i cu ngakchia an t’ah thawng cu khualak a chawk mi hna nih an theih tik ah Thailand palik pawl hna sin ah an chim.

 

Cu tik ah Thailand palik pawl hna nih a thli in biatak tein dothlatnak an tuah peng.asinain zei hmanh hmuh mi le theih mi ngaingai an nei kho loh.khuami hna nih le a caan ah puitling t’ah thawng ngakchia t’ah thawng hna cu an theih lengmang fawn ti a si tik ah.Thailang pali pawl hna nih cun t’ah-aw an theih nak inn pi le vel chum vialte an zoh tik ah inn lianpi chung inn khan_kudawng) pakhat chungah cun an dihlak in minung pa 20 bak an rak erh hna cu an hmuh i an chanh khawh hna tiah an chim.

An chiah nak hna inn khan chungah cun (ceu)a pelpawi te hmanh a um lo i mui padap lak bak ah ti-rawl lo in an rak erh hna.an dih lak ah minung pa 20 an si i ngakchia deuh minung 5 le puitling pa a si mi 9 le Ngaknu minung 6 hna an si.mah minung 20 hna nih an chim ningah cun an Boss le hna nih Malaysia lei ah kuat dingin an kan ti ruangah hi ti bantuk thil kan cungah a phanh nak hi a si tiah an chim.a mah belte hi tibantuk in a tuahtu an Boss le hna cu pakhat hmanh an tlai kho hna lo i Songkhala palik officer nih cun tleih khawh nak dingin biatak tein rian kan t’uan cuahmah tiah a chim.

Ref: Free

Author: Salai Ephraim