Iran President Hassan Rouhani nih cun American nih Iran ram kongah siseh,ram dangdang hna kongah si seh,chawlet kho lo in le ram dangdang cungah a nawlngaihnak ningcanglo in a hman mi kongah le biachahnak a tuah mi vialte hna hi ka palh tiah a pom khawh a si ah cun Iran nih American he remdaihnak ser dingin timhcia ka si cang tiah a chim.
Iran nih mah bantuk bia a chim mi hi American Trump cozah nih zarh fati’n “weekly cabinet meeting”an tuah nak ah Iran he mi zei ram hmanh rian na t’uanti lo ah a t’ha,cu hlan i Iran he rian a rak t’uanti mi hna hmanh nih nan mak tak awk a si cang ti a chim hnu in Iran President Hassan Rouhani nih hi bia a chim nak hi a si tiah an chim.
Iran President Hassan Rouhani nih cun American he kan i rem lo ruangah caan zei maw zat chung cu zei tk dah rak kan thawh lai i a ho dah a thi hmasa lai tiah mit kan rak au veve,a si na in Iran le American kan i remlo ruangah ram khat le ramkhat karlak ah i huatnak le i dohnak a chuak kho mi dirhmun kan phan cang.cu thil hna cu American zong nih a duh mi a si lo bantuk in Iran zong nih kan duh mi a si lo caah remdaihnak ser dingin timh cia kan si cang tiah a chim fawn.
A si na in American nih hi thil a tuah mi vialte hna cu ka palh tiah a cohlan duhlo a si ah cun remdaihnak tuah duh hmanh usih law a tuah kho ding kan si lai lo.American nih remdaihnak tuah a duh taktak a si ah cun “kapalh” tiah a cohlan hnu lawngah Iran le American cu remdaihnak kan tuah kho lai tiah a chim.
Source: Israel time
