Iran Foreign Ministry nih cun Iran nih British oil tanker cu kan rak tleih i caan zei maw zat kan hren piak hna na in a tu cu kan thlah piak cang hna lai tiah a chim.Iran nih British oil tanker a tleih piak mi hna hi kan hnungzarh ah an rak tleih mi British flagged oil tanker Stena Impero kha a si.kan rak chim cia bantuk in Iran nih hi tilawng a tleih bak in an mah aalan”flag” cu British oil tanker cungah cun an rak tar piak dih hna.
Hi tilawng konghe pehtlai in British nih cun US sin ah Iran nih ningcang lo in kan tilawng British flagged oil tanker Stena Impero cu a kan tleih piak caah Iran nih international law phunghram a buar a si tiah a rak chim.Iran Foreign ministry biachimtu Abbas Mousavi nih a chim ningah cun British flagged oil tanker Stena Impero nih cun Iran ramri a lonh caah kan tleih mi a si tiah a chim.
Cun,British flagged oil tanker Stena Impero tilawng kan tleih mi kongah British nih Iran sin ah zei hmanh nawlpatnak an tuah mi a um lo.a ruang cu British nih Iran ramri cu ningcang lo in kan pal ti an i theih caah a si.a mah belte hi tilawng kan tleih piak mi hna cu Iran nih remdaihnak a duh caah zalon nak kan pek t’han lai i,chuah a si lai tiah a chim.asinain Iran nih cu tik kha tik set ah kan chuah lai ti cu a chim lo.
British flagged oil tanker Stena Impero tilawng hi Iran nih July 19 ah khan an tleih.a ruang cu Strait of Hormuz rili a pal pin ah maritime regulation rili zong a pal caah a si tiah Iran nih a chim.hi tilawng an tleih mi ah hin tilawng chungah rian t’uantu minung pasarih hna zong Iran nih a rak tleih chih hna na in cikhat ah an minung cu a chuah t’han hna i a tilawng tu an tleih.Iran nih pallo ding kan ti mi ramri an long caah a si a rak ti mi kha a si.
Source: BBC
