Iran Cozah Le US Cozah Ruangah Switzerland President Ueli Mourer A Thin Aa Dawmh

Switzerland President Ueli Mourer nih cun Iran cozah le US cozah karlak ruangah a ran nak in Trump cu Inn rangpi Wite House bak ah a rak ton.

US cozah nih hin Iran ram chungah US Embassy a rak chiah tawn mi cu Islamic Revolution pawl hna ruangah US cozah nih cun Iran ram chungah Embassy ka chiah mi cu Iran ai-awhtu ah Switzerland President Ueli Mourer cozah nih na tawl rel lai tiah Iran khuapi a si mi Tehran ah a chiah.

US cozah nih Iran cozah cu bia tak tein a vun hrem hnu cun Iran ram chungah chiti (Oil) langkhat ah $71 tluk a phan i,nikhat ah $ 1 tluk in a man a kai cuahmah cang tiah a chim.Trump nih cun Switzerland President Ueli Mourer sin ah US cozah nih Iran ram hi rawh taktak le kah/doh taktak cu kan duh mi a si ruam loh,a mah belte hi a ram chungah a lut cuahmah mi US ralkap le thuamthil hna Iran nih a kah sual a si ah cun US cu duh thim awk neilo in a ka chiah a si lai caah kan kah hrimhrim lai tiah a chim.

 

Cun Switzerland President Ueli Mourer nih a tu bantuk in Trump a rak hmuh nak hi US cozah nih Iran ram lei ah a hriamnam a kalter mi chungah nuclear hriamnam an i ken chih lai tiah an ruah caah a si tiah an chim.asinain US cozah nih nuclear hriamnam a ken le ken lo kongah zei bia hmanh a chim lo i,aa kem hmanh maw ti sawhsawh nak ruangah Trump a rak tawn nak hi a si tiah an chim.

 

Trump nih cu bantuk bia a chim mi cu Speaker Nancy Pelosi nih a theih tik ah Trump nih Iran kah a timh lo mi le rawh a duh lo mi cu kan lung a lawm taktak tiah a rak chim ve tiah an chim.

Source: CNN