Iran media nih a chim ningah cun Iran cozah nih mi zei ta a si theih lo mi Persian Gulf ah a rak lut mi tilawng cu a tleih t’han rih hna tiah an chim.cun, hi tilawng a tlaitu hna hi Revolutionary Guard Corps’ naval force pawl hna an si.
Cun,Iran Revolutionary Guard Corps’ naval force pawl hna nih a tleih mi tilawng hi Arab ram in a rak ra mi hna an si.cun,an tleih mi tilawng hna nih hin “zinan” litre 7,00,000 tluk bak an phurh.cun tilawng chungah a um mi “solar” lianmi pa sarih bak an tleih chih fawn tiah an chim.
Hi konghe pehtlai in Iran cozah nih cun zei bia hmanh a chim duh lo pin ah theihternak zong a chim duh lo.American nih Iran ram kongah biatak tein rian a vun t’uan hnu cun Iran nih a sual a chuah chin leng mang.asinain American president Trump nih cun Iran he i doh kan i tim lo,Iran nih remdaihnak a tuah duh taktak a si ah cun an mah he remdaihnak ser dingin timh cia kan si tiah a chim peng.
Atutan ah Iran Revolutionary Guard Corps’ naval force pawl hna nih a tleih mi tilawng hi mi zram ta dah a si tiah theih khawh a si rih lo.
American nih Iran foreign minister Mohammad Javad Zarif cu ningcang lo in bia a chim tam tuk ruangah Hremnak a pek nak kong.
American Department of treasury nih a chim ningah cun American nih Iran foreign minister Mohammad Javad Zarif cu ningcang lo in bia a chim tam tuk ruangah le a tuah lo dingmi thil tampi a tuah ruangah hrem dingin biachahnak tuah piak a si cang tiah a chim.
Cun, American nih Iran foreign minister Mohammad Javad Zarif hrem nak dingah biachahnak a tuah piak ning cu,”Iran foreign minister Mohammad Javad Zarif nih a ngeihmi thilri hna le a chawva vialte hna cu tawngbak lo dingin biachah nak a tuah piak”tiah an chim.
Iran foreign minister Mohammad Javad Zarif nih cun American nih hi tibantuk in biachahnak an ka tuah piak mi cu tuah ka timh mi an theih dih caah a si kho.hi ruangah hin thil tuah ka timh mi hna cu tuah kholo in ka um lai tiah maw an ruah! ka duh mi paoh cu ka tuah khawh t’hiam lai tiah a chim.
American Treasury secretary Steven Mnuchin nih cun hi ti bantuk in Mohammad Javad Zarif rian t’uan khoti lo dingin biachahnak kan tuah piak mi a ruang cu Iran Supreme Leader Ayatollah Ali Khamenei nih tuah ding a ti mi paoh cu a chia maw a t’ha ti ruat ta lo in Mohammad Javad Zarif nih a zulh piak ruangah cawlcang kholo in hrem a si nak a si tiah a chim.
Carel huam mi caah: Iran Nih Shahab-3 Ballistic Missile Hneksak Nak A Tuahmi Cu American Thin A Khenh Taktak
Iran’s Revolutionary Guard pawl hna nih Sep 22.2010 lio in a rak ngeihmi Shahab-3 ballistic missile hriamnam cuzahan ah hneksak nak an tuah.hi ruangah American ram nih cun Iran nih hi thil a tuah t’han mi cu UN Security Council phung hram a buar a si tiah a chim. Iran’s Revolutionary Guard nih cun Iran nih hi hriamnam a ngeih mi hi Sep 22.2010 lio khan a si.hneksak nak zei hmanh a tuah bal lo mi a si fawn.cun,hi hriamnam hneksak nak kan tuahmi ruangah Iran nih UN Security Council phunghram kan buarmi pakhat hmanh a um lo tiah a chim.
Cun, Iran nih Shahab-3 ballistic missile hneksak nak kan tuahmi ruangah hi Iran nih mi zei ram hmanh a zuam cawhmi an um lo.hi Shahab-3 ballistic missile nih zei tluk in dah rian a t’uan khawh ti le zei bantuk caan ah dah hman awk a si lai ti kha fiang tein theih kan duh caah phungning tein hneksak nak kan tuah mi a si ko.Iran nih a mah ram chung thil le a ngeihmi hriamnam kongah hneksak nak tuah a duh ah cun ramdang mi hna sin ah nawlpatnak a tuah awk le permission a lak ta awk a si lo.a mah duh ning te in a ram chungah rian t’uan khawh nak nawl a ngei ko tiah Iran nih a chim.
American military source nih a chim ningah cun Iran nih a hriamnam a hneksak nak hi Europe ram ralrinnak a pek hna bia a si.zeicahtiah United Nation’s nuclear watchdog hruaitu hna nih cun Iran nih nuclear hriamnam ser nak ding caah an herh mi uranium thil kongah Europe ram he ton biaruahnak an ngei cang.cu thil cu Iran nih Europe ram ralrin pek nak caah hi hriamnam hi hneksaknak a tuahmi a si tiah an chim.
UN Security Council nih cun Iran nih a tu bantuk in na hriamnam Shahab-3 ballistic missile cu hneksak nak na tuah awk a si ti lai lo.hi hnu na hneksak nawlh a si ah cun Security Council phungphram buartu ah cohlan na si cang lai tiah a chim.Iranian Foreign Minister Mohammad Javad Zarif nih cun Iran ram chung konghe pehtlai in mi zei sin ah hmanh Iran nih nawlpatnak tuah a tim lo i,ramdang mi hna cu a ceih zong nan i ceih awk a si lai lo. Iran nih cun a hriamnam hmang in remdaihnak hmanh a ser khawh deuh men tiah a chim.
Source: AF
