American cozah nih Iran cu zei tluk a hrocer zongah Iran cozah nih zei hmanh ah a rel lo i a herh ah cun kan i tawng lai tiah US cozah serhsatnak lawng te a chim peng ko rih!a si ah te Iran nih cun American cozah cu a tei nak ding pakhat hmanh a um fawn lo,zei set dah Iran nih US tei nak dingah a hngatchan mi a si ne?ram dang mi maw a hngatchan hna a si lo ah a mah ralthuam bak dah a bochan?
A tu lio Iran ram khi a dih lak in sq km 1,648,195 tluk bak a kau i,cu tluk a kau mi a ram chungah cun minung mtd 79 tluk bak minung an um cuahmah.a cozah nih a neih mi hriamnam chungah nuclear chim lo in zei bantuk hriamnam t’ihnung dah a neih tiah cun.a tu lio a cozah nih ralkap pasal t’ha bak tiah a thim mi hna hi minung ting 550,000 a neih hna pin ah ting 350,000 tluk hrawng hi raldo kho ding mi a chiah rih fawn hna.
Cun a raltuk nak t’ihnung Tanks hi 2531 bak a neih i Tanks tluk tein rian a t’uan kho mi Motor Tanks 1625 a neih pin ah phungdang deuh a si mi setcyi pawl khah nak Motor Tanks 4096 bak a neih fawn.cun Rocket hriamnam kah nak seh lianmi 1438 a neih i a cozah ralkap nih vanlawng raltuknak bantuk in an i cit khawh dingmi 850 a neih pin ah raltuknak vanlawng Fighter taktak 250 a neih.raltuknak Helicopter 324 a neih i raltuknak Tilawng lian mi 406 a neih.
Cun tihnung taktak mi frigates tiah an kawh mi cu 6 a neih i frigates tilawng nak in t’ihnung deuh mi corvettes tiah an kawh mi cu 3 lawng a neih.cun Tichung raltuknak tilawng hi 40 a neih i kum 2018 defece budget ah $ tld 14 a si.a mah belte a tu ah hin Iran cozah nih ram dang Scientists hau lo in a mah Iran Scientists bak nih nuclear hriamnam cu an ser khawh caah a cozah nih a tu lio ah nuclear hriamnam hi sei zat set dah a neih tiah theih khawh a si rih lo.
Credit: MWN