Iran Cozah Nih An Mayor Mohammad Ali Najafi Cu A Mah Le A Mah Ithat Dingin Biachahnak A Tuah Piak

Iran cozah Mayor rian caan saupi a rak t’uantu Mr Mohammad Ali Najafi cu an Nupi a thah tiah biaceih zungah chuahpi a si.Mr Mohammad Ali Najafi Nupi Mitra Ostad hi a luancia May thla ah khan an um nak inn chungah a ruak in rak char a si.a thih ning konghe pehtlai in check hlat nak an vun tuah tik ah a pasal Mr Mohammad Ali Najafi si dawh a si ko tiah an rak chim.

 

Iran, Judiciary biachimtu Gholamhossein Esmail nih cun Mitra Ostad thih nak kongah a pasal Mr Mohammad Ali Najafi cu sual phawt a si Mr Mohammad Ali Najafi nih a thah mi a nupi pahnih nak a si.cun,Mr Mohammad Ali Najafi cu mipi hmai ah a mah le mah thi lak in hri i awhter dingin biachahnak tuah piak a si tiah a chim.

 

Asinain Iran supreme court nih cun Mr Mohammad Ali Najafi kongah zei tik ah dah thah a si lai ti mi a ni le caan biakhiah piak a si rih lo.Mr Mohammad Ali Najafi le a Nupi karlak thil umtu ning fiangte in tehte he a ngei kho mi hna nih cun zei tik paoh ah nawlnak (appeal) tuah khawh a si rih ko lai tiah an chim.

 

Cun, Mitra Ostad a thih lio ah hin Mr Mohammad Ali Najafi nih ka Nupi cu kei mah thah mi a si tiah a mah tein t’uanvo neitu palik pawl hna sin ah a va chim i,palik pawl hna nih cun an rak tleih mi a si tiah an chim.asinain Mr Mohammad Ali Najafi nih a Nupi a thah lio tehte cu zeu hmanh hmuh awk a um lo.hi thih nak kongah tehte zei hmanh a um lo a si ah cun Mr Mohammad Ali Najafi nih a mah tein sual a phawt nak hi mithat(lainawn) ah cohlang in thah a si te lai tiah an chim.

 

Source: BBC