Iran Cozah Nih International Law Cu Zei Ah Ka Rel Lo Tiah Thanhnak A Tuah Ngam Ko

Iran cozah nih International Law phunghram konghe pehtlai in cu hlan ah a tuah bal lo mi thil cu American cozah nih Iran ram lei ah a ralthuam t’ihnung a kalter bak in International Law zei a rel lo nak caah hmuhsak nak thil a tuah cang.

Hi thil an tuah mi konghe pehtlai in Iran President Hassan Rouhani nih cun kum 1980-88 hrawng i ral a rak thawh lio hrawngah cun International Law phunghram hna cu biatak tein kan rak hmanglo na in ramkhat le ramkhat pehtleihnak le rian t’uanti nak cu felfai tein kalpi a si ko.

 

A si na in International Law phunghram cu US nih a mah ta bantuk ah a ruah i vawlei cung ram vialte hna cu US cozah nih a mah duh ning in umter le chiah dih an kan timh.a ruang cu International Law phunghram hi Iran cozah nih cun kan herh lo mi a si,hi International Law phunghram ruangah ram khat le ramkhat a daw mi le rian a t’uanti mi hna zong a kan rawh dih pin ah ram khat le ram khat nih sunghza tlaknak ah kan hman caah kanherh hrimhrim lo tiah a chim.

 

Cun Iran nih International Law kan buar a si ah cun US cozah zong nih a buar ve ti nak a si,zeicatiah US nih cun a hriamnam t’ihnung hna le a raltuknak Tilawng le a ralkap zei maw zat hna cu Middle East ram chungah le hmun dangdang ah a kalter hna, US cozah nih hi thil a tuah mi hi International Law phunghram buar kan ti mi cu a si deuh!

 

Trump nih a tleih mi a policy le International Law hna hi rawh dingah vawlei cung ram dih lak politicians pawl hna nih lungrual tein kan doh i kan kham awk a si cang tiah a ram mipi hna he Trump muisam keng in milem an ser mi cu an tuk den pah in an au tiah an chim.hi thil kongah UN Security Council hruaitu hna le UN Security Council chungtel Iran cozah minung 5 hna cu Germany ram ah tom biaruahnak an tuah cuahmah lio tiah an chim.

 

 

Source: BBC

Author: Salai Ephraim