American cozah nih a huat cem mi kum 2015 lio ah Iran cozah nih nuclear hriamnam le Atomic bomb ser nak ah uranium hriamnam pawl a rak ser cangmi hna cu Iran cozah nih a tu ah a thar bak in a pehzulh t’han cang tiah Fars news agency pawl hna nih tuchun ah report an tuah t’han cang.kum 2015 lio i Iran nih nuclear le Atomic sernak ding caah uranium hriamnam a rak sermi hna hi American nih biatak tein a vun hrocer hnu ah cun Iran nih caan saupi a tawngtham ngam ti lo mi a si.
Hi konghe pehtlai in Fars news agency pawl hna nih an chim ningah cun Iran cozah nih kum 2015 lio in Atomic bomb le nuclear hriamnam ser nak ding caah uranium an rak sermi hna le a tu ah an serthar mi uranium thilri pawl hna cu fonh in Iran cozah nih nuclear le International Atomic Energy Agency zei zat dah kan ser khawh lai tiah zoht’i nak an tuah dih cang tiah an chim.
Cun, Iran cozah nih hin kum 2015 lio ah a rak sermi uranium lawng si lo in kum 2019 May thla lio ah khan a dang uranium cu a ser t’han rih.hi a sermi uranium hmangin nuclear le International Atomic Energy Agency cu fawi tein a ser khawh cang.asinain cu hlan ah cun American cozah ruangah a nuclear le Atomic bomb cu a ser hraw rih hna lo.
American cozah le Iran cozah karlak thil umtu ning kongah Europe ram uk bawi hna nih cun Iran cu kham khawh a si ti lo caah American cozah nih a tuk/den khawh taktak cang tiah a chim.cu pin ah Iran cozah sin zongah hi thil na tuah mi hi American cozah nih a duhlo caah an kut in na luak khoti lo tiah a hrocer tiah an chim.
Source: CNN