Iran Cozah Nih Thilsual Taktak Tuah Than Dawh A Si Hi Thil A Mah Tuahmi A Si Ah Cun A Lo Lai

Iran cozah nih Norway tilawng Gulf of Oman rili ah a um mi cu missile bomb in a t’huat hoi t’han.cu a tu ah Iran nih a kah mi Norway tilawng hi Gulf of Oman rili le Persian Gulf rili in Arabia rili ti mi Strait of Hormuz rili karlak ah a um zungzal mi le rian a t’uanmi an si tiah an chim.hi konghe pehtlai in White House biachumtu Sarah Sanders nih cun Norway tilawng ciliah-haiba phurtu tankers le Singapor tilawng Kokuka Courageous hn an si.an kah nak hmun hi Iran ram pawng teah a si tiah a chim.

Cun hi tilawng kah nak kongah tehte zei hmanh hmuh cu a si rihlo na in an kah ningcang dothlat tik ah Iran cozah si dawh an si.a mah belte tehte zei hmanh hmuh/neih a si lo caah US cozah nih a si khawh chungin dothlatnak a tuah cuahmah lio tiah a chim.cun US defense official hna nih cun hi thila cangmi hi june 13.2019 chun lai cingling ah kah mi an si caah mi zei hmanh nih mah bantuk in thil a tuah ngam ding an um lo i Iran cozah lawnglawng hi mah bantuk in thil a tuah ngam ding cu an si ko tiah an chim.

Cun tuchun ah kah a si mi tilawng ah hin a tilawng rian t’uantu hna minung 21 an um i cu hna zong cu kah an si bak in chanh manh ding khi an si ko.asinain Iran nih a tilawng hmang in a chanh duh hna lo caah a thimi an si tiah an chim. cun minlanghter lo mi ramdang official pawl hna nih cun hi thil kongah US cozah an soisel i US cozah nih khi hmun ah a um kal mi tilawng pawl hna cu Iran kut in a ven hna awk an si tiah an chim.

Hi kongah Iran’s foreign minister, Mohammad Javad Zarif nih cun US le a rian t’uanti hawi le hna nih a tu bantuk in na tuahmi a si tiah fiangfai lo pi in an kan puhmi hna hi Iran nih kan tuah mithil a si lo pin ah hi tilawng kah caan le kan rian t’uan caan hna cu pakhat hmanh a khat loh tiah an chim ve.

Ref: AFP

Author: Salai Ephraim