Iran Cozah Nih UK Cu Ka Oil Tanks Na Tleih Mi Na Chuahlo A Si Ah Cun Na Mih Cang Lai

Britain cozah nih ka hnung zarh chungah Iran Oil Tanks tilawng cu Strait of Gibraltar ram ah a tleih piak hna tik ah Iran Foreign Ministry nih cun Britain cozah nih hi kan Oil tanks a tleih mi a chuak duh zawk lo a si ah cun Iran nih an cungah ningcanglo thil kan tuah cawlh ve cang lai tiah a chim.zeicahtiah cun Britain nih kan Oil tanks tilawng an tleihnak a sullam hi ningcanglo thil a si tiah a chim.

Britain cozah nih cun Iran Oil tanks an tleih nak konghe pehtlai in Iran cozah sin ah voi tampi nang mah nawl in Strait of Gibraltar ram ah Oil cu na phurh/lak awk a si lai lo tiah kan chim cang na in a duh lo ruangah kan tleih piak mi a si tiah an chim.Strait of Gibraltar ram hi Spanish cozah nih kei mah ram a si tiah a chim ve.asinain Strait of Gibraltar ram cu Britain cozah nih Part Of United Kingdom tiah an kawh mi ram a si ve fawn.

Iran Ministry biachimtu Abbas Mousavi nih cun Britain cozah nih Iran Oil tanks a tleih mi kongah a chim mi hna hi a hman mi thil pakhat hmanh an um loh,zeicahtiah cun Strait of Gibraltar ram ah cun hlan lio pi in Iran nih Oil tanks zalong tein kan kalter nak hmun a si.Strait of Gibraltar ram in Oil cu kan lak i Iran ram ah le Syria ram ah a lut mi an si.cun, Britain cozah nih hi thil a tuahmi cu Syria ram le EU ram nih remdaihnak an ser cuahmah mi a buartu an si lai tiah a chim.

Iran Ministry biachimtu Abbas Mousavi photo.

Cun, Britain cozah nih Iran Oil tanks tilawng a thlah duh lo a si ah cun American nih Iran a zuam cawhmi ah Britain cozah cu American ram lei t’angtu ah Iran nih kan ruah cang hna lai tiah a chim.Spain ram minister nih cun Britain cozah nih Iran Oil tanks tilawng a tleihnak a sullam cu American nih Britain cozah sin ah nawlpatnak a tuah ruangah an tleih mi a si tiah a chim.Iran nih cun American nih a tuah mithil hi zei a si a thei lo,lentecelhnak t’ihnung taktak mi a si tiah a chim.

Source: BBC

Author: Salai Ephraim