Iran Cozah Nih UK Ram Cungah Lehrulhnak Tuah A Timh Ning Cu Dah Ngai Tihnung Taktak A Si Than Hoi

Iran cozah nih cun UK ram cungah lehrulhnak tuah t’han a tim.American cozah nih UK cozah sin ah nawlpatnak a tuah ning tein UK cozah nih cun a tuah taktak.Iran ram caah le Syria ram caah Oil cu Gibraltar ram ah an phurter peng hna i,cu Oil tank an phurhter mi hna cu mi zei hmanh phurhter lo dingah American cozah nih cun UK cozah sin ah nawl patnak a tuah.cu tik ah UK cozah nih cu Oil phurtu tilawng pawl hna cu um kalter lo in a mah cozah uk nak tangah a chiah dih tik ah Iran cozah nih cun UK cozah sin ah an tleih mi hna tilawng pawl cu a ran nak in rak chuah hna tiah a chimh.

Part of the United Kingdom,Gibraltar photo.

Asinain UK cozah nih American cozah chim ning tein a chuah duh hna lo i a hren peng hna.UK cozah nih cun Iran sin ah cun hi Oil tanks tilawng pawl hna nih hin EU phunghram an buar pin ah American cozah nih a ka chimh ning tein ka tuah mi a si tiah a chimh!hi konghe pehtlai in Iran politician and commander Mr Moshen Rezaei nih cun UK cozah nih Iran Oil tanks na tleih peng a si ah cun Iran nih UK cu a sawhsawh in a zoh lai tiah ruat hlah,hi tilawng na tleih nak man cu Iran nih na cungah lehrulhnak kan tuah cawlh lai tiah a hrocer hna.

Cun,Iran nih UK nih a hren mi hna kan tilawng a chuah duhlo i a hren peng ko hna a si ah cun lehrulh nak ah Iran cozah duty pawl hna nih British tanker tilawng an tleih ve hna a si ah cun UK cozah nih zei hmanh an holh ngam awk a si lai lo.zeicahtiah UK zong nih hi thil an tuah lai ah Iran cozah sin ah ruahnak zei hmanh an kan hal mi a um lo i,kan nih zong nih British tanker tilawng pawl hna cu kan duh tik paoh kan tleih khawh ve hna ti nak a si tiah a chim.

British Cozah nih hi tilawng an tleih mi konghe pehtlai in dothlatnak a van tuah tik ah cun a tilawng rian t’uantu hna cu Indian ram mi le Pakistan ram mi lawngte an rak si.cu pin ah hi tilawng a tleih mi hna hi Gibraltar ram chung an um lio ah tleih mi a si i,Gibraltar ram cu Spanish cozah nih kan mah ram a si tiah an chim.Gibraltar ram hi UK cozah nih cun a mah ram bak ah a chiah mi a si ruangah ( part of the United Kingdom )tiah min a sak. American cozah le Iran buai nak ruangah a tel lo mi vawlei cung ram zei maw zat hna cu an buai nak chungah an i tel ve cuahmah cang tiah an chim.

Source: CNN

Author: Salai Ephraim