Iran Cozah Nih US Kap Lo In Israel Ramtu Kah A Timh Ko Cang Thinphang Ngai A Si

American cozah nih Iran cu a sining zoh in kan cawl cang lai tiah biachahnak nizan ah khan Wite House Inn rangpi chungah National Security hruaitu vialte hna he biachahnak an tuah cang.cun Trump nih cun Iran nih a hriamnam hmang in Guilf ram ah kan kalter mi hna ka cozah ralkap cungah thil zei maw a tuah sual a si ah cun Iran ram cu vutcam ah ai cang lai tiah a chim.

 

Tuzing ah Iran official pawl hna nih cun US nih Israel ram a dirkamhnak ruangah a kan kap/tuk ngam taktak bal lai lo tiah an chim t’han.cun Iran parliament pawl hna nih Persian Guilf ah a raltuknak bomb thlatu vanlawng a chiah mi hna le USS Abraham Lincoln le Destroyer pawl hna US cozah nih a chiah mi hna khi Iran cozah caah cun zei ti nak hmanh a si lo tiah an chim.

 

Cun US nih cun Iran cu an kan kah ngam taktak lo ruangah US nak in a ralt’ha deuh mi le an kan ngah deuhtu Israel ram tu hi kan kah hmaisa lai tiah an chim.

 

Iran cozah nih hin a neih mi hriamnam missile bomb in Israel ram cu an hmuah chih pin ah ralhrang Hezbollah group pawl hna nih Gaza Strip in Israel ram cu missile bomb in an i hmuahchih faw tiah an chim.

 

Cun Iran cozah he a pehtlai mi Palestinian ralhrang Islamic Jihad group pawl hna nih Lebanon ram le Israel ram Inn pa vialte hna cu kah dingin timhcia an si dih cang tiah Iran official pawl hna nih cun an chim.

 

Iran nih hi bia a chim ruangah Israel PM Benjamin Netanyahu cu a lung re a thei i Iran nih hin an kut tawl nak caah a hriamnam t’ihnung missile hmang in an kan kah taktak khawh mi a si.

 

Iran nih a mah ram hriamnam hmang in a kan kah lo hmanh ah a pehtleih mi hna Islamic Jihad group le Gaza ramri ah a um mi ralhrang Hezbollah pawl hna hmang in a kah kah khawh mi a si caah ralrin tein dide kan ngaih peng a hau tiah a chim.

Source: CNN