Iran Cozah Nih US Ralkap Pawl Gulf Ram Chungah A Rak Luh Cu Ka Caah Thil Tha Taktak A Si

American president Donald Trump nih cun a cozah ralkap hna le a raltuknak tilawng pawl hna cu Iran cozah va tawng dingin Gulf ram lei ah a luhter cuahmah hna tik ah Iran cozah nih cun US nih mah bantuk thil a tuah mi cu ka caah cun an mah khi ka hriamnam tu an si deuh tiah a chim.

American cozah nih a cozah ralkap le a raltuknak tilawng hna Gulf ram ah a luhter mi hna cu Iran cozah nih a kan t’ih lai i hmaitonh Ca buaicung tonbiaruahnak a duh te men lai tiah aa ruah!a si na in Iran Revolutionary Gurd an senior officer commander nih cun Iran cozah nih kan duh a si ah cun khi hmun i US cozah nih a ralkap le a ralthuam a chiah mi hna cu kan ralthuam menmen an si ko tiah a chim.

 

Cun Iran Revolutionary Gurd senior nih cun a tutan i US nih tongh a kan timh ning le a kan hrocer ning kan ruah ah cun Iran cozah nih kan rak zenh ngaingai.a si na in US cozah a cawlcangh ning le a raltuknak thilri hmangin a kan hrocer mi cu US zong hi zei ngaingai cu a rak si lo hi teh,t’ih awk pakhat hmanh a um lo tiah a chim fawn.

 

US cozah nih a ralkap le a raltuknak tilawng Gulf ram chungah a chiah cangmi hna hi ralkap minung 6,000 hrawng le a raltuk nak vanlawng 40-50 karlak an chiah cang hna.cu hna pawl cu Iran cozah nih cun an tu i US ralkap le a hriamnam a chiah nak hmun khi kan duh a si ah cun cikhat ah kan neih mi Missile hrimnam in cikhat ah kan thah khawh dih hna tiah zei poi lo taktak in an chim.

Ref: AP