American ram le Iran ram konghe pehtlai in a tu tiangah a rak holh ve mi le an buaibainak kongah itel nak a nei ve mi ram hna hi India, Spanish, Pakistan ram hna an si.mah ram pathum hna konghe pehtlai in American ram nih UK cozah sin ah cun Iran cozah hremnak dingah nawlpatnak a rak tuah.American nih nawlpatnak a tuah ning bantuk te cu UK cozah nih Spanish he an ramri ah Iran cozah caah Oil a rak phurtu tilawng pawl hna cu a rak tleih taktak.
Cu tik ah Iran ram nih UK ram sin ah cun a tu ah kan Oil tanks na tleih mi hna na thlah hna lo an si ah cun Iran nih na cungah lehrulh nak fak taktak in kan in tuah lai tiah a hrocer hnawh.asinain UK cozah nih thlah a tim hna lo i,hi tilawng kan tleih mi hna a ruangah EU phunghram an buar caah kan tleih mi hna an si tiah a leh.UK cozah nih cu tilawng rian t’uantu pawl hna cu mi zei dah an si tiah dothlatnak a vun tuah tik ah Pakistan ram mi hna le Indian ram mi bak an rak si.a mah belte hi tilawng rian t’uantu hna kongah Indian le Pakistan ka khat hmanh an holh rih lo.
Cun,American le Iran ram konghe pehtlai in Iran Foreign Minister Javed Zarif cu thawnglatu hna nih ton biahalnak an tuah tik ah American ram nih Iran ramri a pal cuahmah cang tiah Iran nih na chim mi hi a hman mi a si maw? American ram nih Iran ram red line cu pal taktak hna sehlaw Iran nih American cu na kap lai maw? tiah bia an hal tik ah Iran Foreign Minister Javed Zarif nih cuhlan ah a hrocer ning bantuk in bia a chim ngamti lo i American nih Iran red line an pal/lamh ko tiah nak caah “YES” ti sawhsawh lawng in a chim i bia zei hmanh a pehti lo tiah an chim.
Cu hlan ah cun Iran Foreign Minister Javed Zarif nih hin American ram nih Iran ram chungah a kuanfang pakhat te a luhter a si ah cun suimilam a cheuhlan ah Israel ram cu thleh-bauh in a um dih lai tiah biatak tein a rak i hrocer mi a si.cun Persian Gulf ah American cozah ralkap a um cuahmah mi hna cu an dih lak in cikhat ah Iran nih a thah dih hna lai.Persian Gulf ram ah a um cuahmah lio mi hna khi Iran nih thang a kamh nak hmun a si caah mit-t’hep kar ah kan thah khawh dih hna tiah a chim.