Iran: Iran Nuclear Deal Cu US Nih A Sermi I A Kal Tak Hnu Ah A Mah Nawl Cu Kan Zulh Len A Herh Ti Lo

Iran Supreme leader Ayotallah Mohammed Khameini nih cun Iran Nuclear Deal cu a luancia 2015 lio ah President Barack Obama nih US, Germany, France, Russia le Britain le EU ram hna cu an rak kan hrihawh i cermi a si.asinain cu hnu ah Trump cu American president rian khinh a si hnu ah Iran Nuclear Deal cu a sertu an sinak cu a chah cang na in US, Germany, France, Russia le Britain, EU, Iran nih cun rawh kan duh lo caah hi thil kongah US nih a duh paoh in nawl a kan neih len awk a si ti lo tiah a chim.

 

Cun US nih Iran ram cu mi zei ram hmanh nih pehtleihnak nei lo dingin rian a t’uan t’han rih.asinain US nih ramdang mi hna cu a kham khawh hna lo caah Iran cu a lingtalet in doh a kan timh.Iran nih US hi kan t’ih hlei hna lo i kan i kah taktak a si ah cun Iran nih US lawng si lo in Israel zong a kah chih lai Iran mipi hna nih US le Israel ram mi hna vawlei tangah phum an si cu an hmuh dih lai tiah a chim.

 

Cun US ruangah Iran nih a thil tuahmi hna cu pakhat te hmanh kan rawk in kan ma lai lo.Iran nih caan saupi chung nuclear hriamnam sernak ding le bomb dangdang ser khawh nak dingah a herhmi thilri Uranium thil pawl hna cu kan neih khawh dih cang i, hriamnam ser ding lawng kan i bat cang tiah a chim. Israel PM Benjamin Netanyahu nih cun Iran nih a tu i an chim mi hi lih lawng te a si nuclear hrimnam ser nak dingah a herhmi hriamnam le thilri Uranium enrichment cu kum 2016 lio khan a neih diam cang tiah a chim.

Cun UN Gen Assembly cu New York khuapi chung an rak tuah lio ah Iran nuclear hriamnam sernak ding thilri vialte hna cu fiang tein tehte he fianternak kan tuah cang.cu caah US le Israel nih cun UN nih a duhlo zongah Iran nih nuclear hriamnam a neih cu kan duhlo caah a herh ning paoh in Iran cu kham a si peng lai tiah an chim ve.

Source: CNN

Author: Salai Ephraim