Iran’s elite Islamic Revolutionary Guards Corps rhuaitu a si mi commander Yadollah Javani nih cun US nih raltha tuk in a kan fuh awk a si loh! Iran nih US kan t’ih nak hna pakhat hmanh a um lo a dawh tawk in US nih cun a ralthuam he rak ra seh timhcia kan si ve ko tiah a chim.
US Secretary of State Mike Pompeo nih Iraq president a va ton hnu in a chim mi cu US nih Iran hi kah kan duh mi a si lo i an mah he remhdaihnak tuahtu kha kan duh mi a si deuh.cun Iran cozah nih a hriamnam a hman hmasa hlan paoh cu US nih a hriamnam hman hmasa a tim lo.a mah belte Iran nih a hriamnam a hman a si ah cun US nih a hriamnam cu tinhcia in a chiah tiah a chim.
Cun Trump zong nih Iran cu hmaitonh tein a hmuh lai kan i ngaihtuk tiah Tasnim news agency pawl hna sin in a chim.a si na in US nih Iran ram a luh dengmang hnu zongah US cu hmai tonh in chawnh a tim peng rih lo tiah an chim.US nih Iran ram lei ah a kalter mi hna a ralkap le a hriamnam t’ihnung pawl hna hi ralpi taktak an thawh ding lawngah hman dingin a chiah mi hna an si tiah an chim.
Cun pin ah American official nih cun Iran ram lei ah a kal cuahmah mi an ralkap pawl hna cu a dang an hriamnam le ralkap kuat cuahmah a timh t’han rih i Iran nih US chawn duh lo in a hriamnam a banh a si ah cun US nih a kah hrimhrim cang lai tiah an chim.Trump nih cun vawlei cung raltuknak tilawng t’ha cem mi cu US lawng nih kan neih i cu tilawng hmang in Iran kah a si ah cun mah cu hman a si lai tiah a chim.
Washington nih cun Iran cozah nih US cozah ralkap cu minung 40 renglo an thah cang hna i US nih Iran kah a duh taktak ah cun zei hmanh chim lo in ral cu a chuahter khawh ko,a si na in Iran he ral ser a duh lo caah hmai tonh in chawnh biak an duh nak cu a si tiah an chim.cun 1979 lio in Iran Islamic Revolutionary Guards Corps an rian t’uan ning vialte cu US nih tehte he khat lak in an i chiah ko, Iran he ralchuahter kan duh mi a si lo tiah an chim.
Source: BBC