Tu zarh chung cu Iran le US karlak a tthalo chin lengmang. The Trump Administration nih Iran an hrem (phihkhar) hna nak an chap chin lengmang hna. Iran oil a cawtu ram pawl phihkhatnak a phun phun in an tuah chin lengmang cang hna. Hi kong ah Iran nih zeitin dah a leh hna lai, timi a fiang kho rih loh.
Iranian Foreign Minister nih cun, Netanyahu le Saudi Arabia nih hin US hi Iran he tuk/do ding in an forh, tiah a puh hna. Foreign Minister Mohamad Javad Zari nih, President Trump nih hin doh/tuk hi a duh ka zum loh. A campaign lio biakammi Middle East caah $7 trillion cu zeihmanhlo ah hman a duh hi ka zum lo. Asinain “the B team” Bolton, Israeli Prime Minister Benjamin Netanyahu, Saudi Arabia’s Crown Prince Mohammed bin Salman le Abu Dhabi Crown Prince Mohamed bin Zayed hna nih hin Iran nih hin raltuknak tong seh ti hi an kan duhmi a si. Cubantuk in an duhmi a tlin khawhnak ding caah lam an kawl.
President Trump nih hin tinhmi (plan) ngei ko hmanh seh law ai tinhlo ning in rap ah ai foih. I tuknak hi chuak taktak seh law US nih hin a tlawmbik in $7 trillion in a cunglei ai sen a hau la. A tu tiang ah hin cun US he kan karlak hi a chiatuk cu a si rih loh. Asinain zeimaw ti in thil a cang khomi cu a um, tiah a chim.
