German counterpart Heiko Maas cu june 10.2019 ah Iran khuapi a si mi Tehran khuapi chungah Iran’s foreign minister Mohammad Javad Zarif he ton biaruahnak an nei i cu lio ah cun Iran’s foreign minister nih cun Israel cozah nih Iran ram cu rawh dih a timh cang caah Israel nih Iran a rawh hlan ah Iran tu nih Israel ram cu kan rawh hmasa a herh cang tiah a chim.
Cun Iran foreign minister nih cun American Trump cozah nih Iran rawh ding in rian a t’uan cuahmah mi hna hi a ngai ngai kan tih ah cun Trump nih Iran rawh a timh si lo in Trump nih Middle East ramtu rawh a timh bia a si deuh tiah a chim fawn.cun Israel nih Iran cu rawh dingin a thli in timh tuahnak a nei a si na in American ram tu hmai ah a langhter hna caah American nih Iran cungah tuah seh tiah an kan duh mi cu zei tik hmanh ah na tuah in kan zulh piak lai lo.
Israel nih Iran ram cungah mah bantuk ruah nak le lungput a neih mi cu Iran nih lehrulhnak tuah lo cun kan um lai lo.Israel nih Iran ram a rawh hlan hrimhrim ah Iran nih Israel cu kan rawh awk a si lai tiah a chim.cun American nih Israel ram kongah Iran a kan dohmi cu American nih khua fakpi in a ruah i zei thil dah a chuak kho ti hi a fian awk ngaingai a si cang tiah a chim.
Cu caah American nih a tu bantuk in Iran cungah thil t’halo tuah aa timh peng a si ah cun mi pakhat khat nih aa theih lo in lainawng a si tawn mi bantuk thil a chuak lai.cu thil a chuah ah cun a tuahtu nih ka tuah tiah a thei manh te lai lo.asinain cu bantuk thil tuah cu mi zei hmanh nih kan duh lai tiah ka ruak lo tiah Iran’s foreign minister Mohammad nih a chim.
Source: AFP