Iran Kongah Trump Le French President Macron Nih Bia An I Ruahmi Cu A Turu Ko Mu

Iarn ram konghe pehtlai in American president Donald Trump le French president Emmanuel Macron hna cu phone hmangin biaruahnak le lungduh bia ruahnak an nei i,Iran nih zei tik hmanh ah nuclear hriamnam cu a neih awk a si lai lo.Iran nih nuclear hriamnam neih dingin rian a t’uan cuahmah mi cu a si khawh chungin kham a si lai tiah an biaruahnak cu White House nih a chim.

Cun, Iran nih nuclear hriamnam ser a timh mi lawng si lo in Middle East ram chungah Iran nih zalong tuk in a tlawnlen ning vialte kong zong Trump le Macron hna nih an ceih chih.asinain Iran kongah mah hna pahinh nih biachahnak taktak cu an nei hraw rihlo.Iran nih nuclear hriamnam ser a timh peng mi belte cu nuclear a neih khawh lo nak dingin rian kan t’uan lai ti vial lawng an chim mi a si rih tiah an chim.

 

Iran ram konghe pehtlai in French le American hna nih a tu bantuk in biaruahnak an neih mi hi zarhkhar chungah a voi 2nak a si cang na in biachahnak taktak an tuah kho rihlo tiah an chim.cun, Iran cozah nih cun nuculear enriched uranium concentration cu 4.5% tluk in santer a si cang tiah an chim pin ah American nih zei tluk hmanh in nuclear hriam nam kan neih khawh lo dingin rian t’uan hmanh sehlaw, nuclear cu kan ser t’ham lai tiah an chim.

Cun, Iran nih a tutan ah nuculear enriched uranium concentration cu 4.5% tluk in santer mi hi international nih hriam nam kongah phunghram an ser ningah cun Iran nih international nih hriamnam kongah phunghram a sermu cu 3.67% tluk in a buar cang tiah an chim.US secretary of state Mike Pompeo nih cun Iran nih a tu ning tein thil a tuah chih peng ko a si ah cun a tuah ser ning tluk in Iran ram chungah American nih harsat nak le hrem nak a pek cuahmah ve lai tiah a chim.

Source: BBC