America nih Iran tanker tilawng Grace 1 cu a hmu mi paoh nih nan tleih awk a si lai tiah thanhnak a rak tuah cang.cu tibantuk in America nih thanhnak a tuah hnu cun Iran tanker hi a um nak theih khawh a si lo.tiang zaan ah khan US company Maxar Technology pawl hna nih satellite in an hmuh t’han tik ah Iran tanker cu Syira ram khuapi a si mi tartus tikulh khua ah hmuh a si t’han i hi tanker pawng teah Russia ralkap tampi an um tiah an chim.
Hi konghe pehtlai in Iran nih a chim nak ah cun kan tilawng Grace 1 cu Syira ram lei ah a kal hrimhrim lo tiah an chim.asinain US company Maxar Technology pawl hna nih cun Iran tanker cu Syria ram chungah a lut cuahmah t’han cang.hi tilawng hi Syria ram a lut lo an ti a si ah cun tehte tampi kan ngei tiah an chim.
US National Security Advisor John Bolton nih cun Syria tanker nih Syria ram a panh lo a ti tu hna nih cun lih an chim a si.cun, Iran zong nih a pheh a si ah cun Iran mipi hna an nun nak cu zei ah a rel lo i Iran mipi nun nak a latu Syria president Assade tu Iran nih a dirpi deuh ti nak a si lai tiah a chim fawn.Iran nih America he iton nak ngeihpi a kan duh lo a si ah cun a poi lo,asinain Iran nih lih chim a hman mi cu a mak bak awk a si.lih a chim chung paoh cu America nih Iran hi zoh sawhsawh a tim lo ti hi an theih awk a si a ti.
Iran tanker tilawng nih hin crude oil barrel 2.1 million man bak a phurh i,cu a phurh mi thil hna cu America nih a zumh nak ah cun Syria ram ah a ngalh i Syria nih chaw a leh piak.Iran nih hriamnam felfai tein a tuah khawh nak hnga ding caah Syria nih a rak zuar piak tiah an zumh.asinain America nih Iran le Syria karlak thil um tu ning a zumh ruah mi kongah tehte cu zei hmanh a um hraw lo tiah an chim.
Source: BBC
