American ram uk bawi Trump nih Japan Prime Minister Shinzo Abe cu a rak chim cia bang in a va ton taktak tik ah Trump nih Iran he an sining cu fiang tein a chimh ruah ko na in Japan nih kakhat hmanh a leh rih lo tiah an chim.cun zeicadah Japan nih Trump cu a leh lo tiah cun Japan le Ian cozah hi hawi t’ha taktak an si i Japan nih Iran cozah hi a dirpi zungzal mi a si caah a lehlo nak hi a si kho men tiah an chim.
Trump nih cun Iran cozah hi rawk le doh ka tim hrimhrim lo i Iran nih US cozah he ton biaruahnak neih a duh a si ah cun Iran tong dingah kan nih cu timhcia bak kan si Iran caah Inn ka kaupi in ka awn piak peng ko hna.a mah belte Iran nih ton Irancozah nih biaruahnak le remdaihnak ser a duh lo i a hriamnam hmang in a cawlcangh ah cun a mah duh ning tein US cozah nih cun rian kan t’uan ve ko lai tiah a chimh.
Cun a tu lio US cozah hruaitu vialte hna lak ah kei mah Trump hrimhrim nih Iran cu den le rawh a duhlo tu ka si.cu pin ah ram khat le ramkhat i tuk/doh ti bantuk pawl hi ka tim hrimhrim lo.ka cozah ralkap minung 1,500 le kan raltuk nak hrimnam ti bantuk pawl kan kalter mi hna zong hi a taktak in Iran va tuk dingah cun ka timh mi a si hrimlo tiah Japan sin ah cun a chim,asinain zei hmanh Japan nih a let lo tiah an chim.
Asinain Iran Foreign Minister Mohammad Javad Zarif cu Iraq cozah ton ah a kal i Iraq ram in US nih a ralkap minung 1,500 Persian gulf ah a kalter t’han mi hna cu US nih Iran he remdaihnak tuah a duh lo i ral thawhtu aa thim deuh ti nak a si tiah a va chim tik ah Iraq nih cun Iran hi US cawlcangh hlan ah an mah tu nih US a kah sual lai ti an phang caah Iran cu Iraq Prime Minister Adel Abdel Mahdi nih ralrinnak a pek tiah an chim.
Source: BBC