Iran President Hassan Rouhani le Frence President Emmanuel Macron cu zahan ah ton biaruahnak an ngei i Iran President nih cun Frence hi i ralring zeicatiah cun a rauh hlan ah Iran nih nuclear hriamnam konghe pehtlai in rian t’uan t’han kan i tim.cu thil kan i timh mi cu zei dang ruangah si lo in Europe ram nih ningcang lo in Iran cungah rian an t’uan ruangah a si lai tiah a chimh.
Naite ah G7 summit ton biaruahnak an ngeih nak ah khan Frence President Emmanuel Macron nih President Donald Trump le Iran President Hassan Rouhani hna cu ton biaruahnak le lungduh bia i ruahti khawh nak dingin rian a t’uan. asinain Iran President Hassan Rouhani nih cun Donald Trump cu ka tong lai lo.Trump nih Iran cungah a tuah sermi vialte hna cu a let hlan lo a mah he ton biaruah nak ngeih kan duhlo tiah a chim cang.
Iran konghe pehtlai in International Atomic Energy Agency hna nih an chim ningah cun Iran nih hriamnam t’ihnung ser a timh mi le hriamnam ser dingin hmanrua a ser mi hna hi a tu ah cun 3.67 percent tluk in hmanrua a ngeih dih cang.
Iran Foreign Minister Mohammad Javad Zarif nih cun September 6 thok in Iran nih hriamnam ser kan timh mi kongah phundang in rian t’uan hram kan thok t’han lai.a mah belte ser bantuk in dah hma kan lak te lai tiah chim khawh a si rih lo tiah Sueddeutsche Zeitung newspaper in a langhter t’han.
