America president Trump nih cun Iran ram chungah America nih rian kan t’uan cuahmah mi le an cungah harsat nak kan tlunter cia mi si seh,kan tlunter t’han lai dingmi vialte hna hi Iran President Hassan Rouhani nih kan mah he Ca buaicung ton biaruahnak le lungduh bia i chimh ruaht’i nak caan ngeihpi a duh i kan mah ton a duh a si ah cun Iran ram caah zei thil paoh kan tuah khawh ko hnga.a mahbelte cucu Iran nih a duh lo a si ah cun a tu nak fak hmanh in Iran nih cun a tuar lai tiah a rak chim cang.
Trump nih cu tibantuk in bia a chim mi cu Iran President Hassan Rouhani nih lehnak a tuah cawlh.Iran President Hassan Rouhani nih Trump aw-ka a theih le cangka in Iran Parliament pawl hna cu lakhruak ton biaruahnak a kawh hna i i ceihhmai t’i nak an ngeih t’han tik ah.Iran Parliament pawl hna nih cun America le Iran Ca buaicung ton biaruahnak kan ngeih khawh nak caah cun zei hlan ah America nih Iran ram cungah harsat nal le hrem nak a kan pek cuahmah mi vialte hna cu a rawh dih ta a hau lai tiah an leh t’han hna.
Cun,America nih Iran ram cungah thil t’halo a tuah mi vialte a rawh dih a si ah cun Iran nih America cu hmai tonh tein ton biaruahnak kan ngeihpi ko hna lai.America nih Iran cungah a tu bantuk in hartsat nak a tuah bu cun zei tik hmanh an ah mah cu hmuh le ton kan duh hna lo tiah a chim.G7summit an rak tuah lio ah khan Trump le Iran President Hassan Rouhani zong an itel ve na in an karlak ah thil t’ha a chuak hlei dingin a um lo tiah an chim.
US justice department nih August thla bak khan a thar in thawngthanhnak an tuah i Iranian oil tanker Grace 1 cu hmuh nak paoh tleih ding a si lai tiah an chim.a ruang cu Iran oil tanker Grace 1 nih hin phungning lo in Syria ram ah thil a phur i cu thil hna cu Syria nih a thli in Iran nih hriamnam a ser khawh nak hnga ding caah chaw a leh piak tiah thawnglatu AF tampi hna nih an chim.
Source: CNN
