Iran ram a t’anhtu le a dirpi tu hna tapung pawl cu zahan ah fak lak in kah le doh an tong i minung cel lak te an thi tiah an chim.hi tapung pawl hna hi Iraq ram le Syria ram an i karlak Albu Kamal pawng teah khuasa mi AlHizam alAkhdar ti mi tapung pawl hna an si.mi zei ramta ti theihlo mi raltuknak vanlawng nih bomb a thlak hnawh ciamman hna i minung 18 renglo an thi tiah an chim.
Hi konghe pehtlai in UK monitoring group pawl hna le Syrian Observatory for Human Rights rian t’uantu hna nih cun hi tibantuk in thil a can hi a ruang mi zei hmanh nih kan thei kho rih lo.raltuknak vanlawng zei maw zat hna cu hmuh khat teah an rak zuang i AlHizam alAkhdar tapung pawl hna um nak cungin bomb zei maw zat an thlak hnawh hna tiah an chim.
Cun, hi thil a tuahtu hna hi an raltuknak vanlawng zong mi zei ta an si theih a si lo.a mah belte hi thil a tuah tu hna hi AlHizam alAkhdar tapung pawl hna nih an ruah nak le an zumh nak ah cun Israel thil tuahmi a si tiah an chim.asinain Israel nih a tuah mi a si ko tiah tehte pakhat hmanh an ngei lo i an ruah nak sawhsawh in an chim mi tu a si tiah an chim.
Hi ruangah AlHizam alAkhdar tapung pawl hna nih cun Damascus ram i chirhchan in Israel ram cu rocket hriamnam hmangin a voi tam lak te an kah ve.asinain rocket an kah mi nih Israel ram cu an kheng hrawlo tiah an chim.cun, Hezbollah tapung pawl hna nih cun zahan ah Israel nih Lebanon ramri ah ramngiatu ah kan hman mi drone pakhat cu a tlau tiah a chim.cu thawng theih in Hezbollah nih cu Israel cu na drone kan tleih tiah a chim.
Source: AFP