Iraq Khuapi Chungum Hmun Thiang An Ti Mi Biakinn ah Hmun Hnih Bak In Bomb A Puak I Ceilak Te Nih Hliam An Tuar Than

Iraq ram chung khuapi taktak a si mi thlanglei Shia Masjid hmun (Masjid Al Murtaza) hmun thing an ti mi ah hmun hnih bak in bomb an puah ciamman i minung 25 bak fak taktak in hliamhma an tuar tiah an chim.a mah belte hi bomb puahnak ruangah mithi zat cu zei hmanh langhter an duh lo tiah an chim.cun, hi bomb puahtu hna hi Iraq nih a ruah ningah cun Islamic State (IS) militant group pawl hna thil tuah mi a si kho tiah an zumh.

Cun,a tu bantuk in Thlanglei Shia Masjid khuapi chungah hin Shia Islam misual pawl hna an um nak hmun a si.cu pin ah a tu bomb a puah nak hmun hi Shia Islam pawl hna nih an pathian biaknak le thangt’hat nak caah a hman cuahmah mi biakinn a si fawn.hi biakinn chungah hin hmun hnih bak in bomb cu an puah i,bomb a puahtu hna hi mi zei miphun dah an si tiah theih a si loh.

 

Hi bomb puah nak konghe pehtlai in Iraq interior ministry nih a chim ningah cun hi bomb a puahtu hna nih hin an nunnak pek bak in bomb hi an puah,bomb a puahtu hna hi bomb nih an taksa hmang lak awk um lo in a puah chih hna tiah a chim.asinain interior ministry zong nih hi bomb puahnak ruangah cu zat minung an thi tiah zei bia hmanh a chim chih lo.

Cun, hi tibantuk in Shia Islam pawl hna nih hmun thiang an ti mi an pathian biaknak inn ah bomb a puahtu hna kongah zei hmanh theih khawh mi a um lo,cun, ralhrang hna thil tuahmi cu hei si sehlaw an chim men ko hnga na in a tu tiang cu mi zei hmanh nih kan tuah mi a si tiah a chim mi an um lo caah Iraq security force pawl hna nih biatak tein dothlat nak an tuah cuahmah tiah a chim.

Source: BBC

Author: Salai Ephraim