Iraq Parliament A Lau Caah An Ram Chungum Mi US Ralkap Pawl Hna Cu Lak Dingin Nawlpatnak A Tuah Cang

Nizan ah Israel ralruknak valawng nih “Shia” ralhrang pawl hna um nak a kah ruangah Iraq Parliament pawl hna cu an thin a phang i Iraq ram chungah a um mi US ralkap pawl hna cu a ran nak in Iraq ram in an lak t’han hna awk a si lai tiah nawlpatnak an tuah.cun, Fatah Coalition nih cun Israel nih “Shia” ralhrang pawl a kah hna nak konghe pehtlai in Israel nih cun American nawlpek nak in kan kah mi hna an si tiah tiah a chim.

 

Asinain Israel nih Shia ralhrang pawl a kah nak kongah America nawlpek nak in a si tiah zei hmanh fianternak a tuah lo. Israel nih hi thil a tuah ruangah hin Iraq ram chungah tualchung buaibainak le i tuk den nak a chuak kho.cu thil a chuah a si ah cun Israel ram nih a tuar awk a si lai tiah Fatah Coalition nih a chim.Fatah Coalition hruaitu hna nih hin Iran a dirpi taktak tu an si pin ah Popular Mobilization Forces changtu hna an si fawn.

 

Cun, Iraq nih ruahlo pi in a ram chung um mi hna US ralkap kir ter dingin nawlpatnak a tuah nak hi kan hnung zarh chungah cun Israel nih an drone vanlawng hmangin Iraq ram chung Qaim khua a kah i,cu a kah nak ah cun Popular Mobilization Forces commander pakhat an thah.cu hnu ah Lebanon ram chung um mi hna Iran hawi le Hezbollah ralhrang pawl a kah t’han hna ruangah Iraq cu a thin phang.

 

Hi ruangah Iraq Parliament pawl hna nih cun Iraq ram chungah tualchung ral a tho kho mi a si.cun,Fatah Coalition hruaitu hna nih cun Iraq cozah a ram chungah US ralkap a umter peng hna a si ah cun tualchung ral thawhter an duh biatu a si cang lai tiah an chim. Iraq ram chung um miphun tampi hna nih cun Iraq ram chungah ral a thawh a si ah cun American le Israel ram ruangah a si lai tiah hmun kip ah Ca an t’ial tiah an chim.

Source: AF

Author: Salai Ephraim