Thlanglei Iraq chung khuapi a si mi Kirkuk khuapi chungah bomb voi 6 bak an thlak i minung 4 an thih pin ah a dang minung 20 hna nih bomb in hliamhma an tuar tiah Iaq palik pawl hna nih an chim.hi bomb puah nak konghe pehtlai in Joint Operations Command office nih nawl a chuah i Iraq ram khuapi Baghdad chung um mi hna zong ralrinnak a pek hna tiah an chim.
Cun bomb a puahnak Kirkuk khua hi Baghdad khuapi chungin meng 250 tluk lawng a hlatmi a si.mithi hna lak ah hin Kirkuk khuapi palik zong an itel tiah an chim.hi bomb an puahnak Kirkuk khuapi chungah hin buaibainak le i thahnawn nak cu kumkhat chung bak zei hmanh a um lo i Iraq ram chung khuapi vialte hna lak ah a daih cem nak khua a si tiah an chim.
Amah belte Kirkuk cozah le Kirdistan mipi hna lak ah ram an i cuh,asinain a tutan pomb a puahtu hna hi mi zei set dah an si tiah theih khawh mi le tleihmi mi zei hmanh an neihlo caah a cozah nih dothlatnak an tuah cuahmah tiah a chim.
Cun a luancia kum 2 hrawngah cun Kirku khua le a pawngkam hrangah mi a thattu hna le sualnak a rak tuahtu hna hi ISIS ralhrang pawl hna an rak si caah a tutan i bomb a puahtu hna zong hi ISIS ralhrang an si lai tiah ruah a si.
Source: CNN
