Iraq Ram Tual Chung Buainainak Kongah UN A Lungretheih A Celh Ti Lo A Kam A Phau Cang

Iraq cozah cungah mipi nih an lungtlin lo nak langhter in buaibainak an siam caah minung 100 renglo an nun nak a liam cang.a bik in Iraq ram chung a si mi Baghdad khuapi hna ah cun Iraq cozah rian t’uan ning an duhlo tuk ruangah inn lo tampi hna an rawh i mah le mah i thah nawnnak le a cozah ralkap le mipi hna karlak ah i tuk den nak fak taktak in a chuak peng.hi konghe pehtlai in UN nih voi khat cu Iraq cozah sin ah nawlpatnak a rak tuah bal cang na in Iraq cozah nih a rak hnawl piak bal cang hna.

Iraq ram mipi hna nih cun an cozah sin ah an chim mi cu Iraq ram chungah mino tampi rian lo in kan um caah a cozah nih hi thil vialte hna hi nan kan tawlrel piak awl le kan mah le ti khawh tawk rian,kan pa cawm nak ding nan kan tawlrel piak awk a si tiah an au hnawh hna.hi tibantuk in Iraq mipi an cozah sin ah a au mi hna hi Hngakchia le tleirawl minung lawngte an si.political party lei konghe pehtlai in zei hmanh theih mi an ngeilo i,an pawcawm nak ding caah an herhmi riantu a cozah nih tawlrel piak dingin an hal mi a si tiah an chim.

Kan hnung zarh chungah kha Iraq ram Baghdad khuapi chungah minung tamtuk nih an an duhlo nak langhter an au pah ah buaibainak tampi an chuah ter caah a cozah nih tear gas le hriamnam hmangin a phomh hna caah minung tampi an thi,cu pin ah Baghdad khuapi chungah mi zei hmanh i chawk lo dingin a’curfew”piak cang hna.asinain a cozah nih a curfew bu in mipi cu hmun khat ah i pum in buaibainak an tuah khawh rih t’hiam.tuchun tiangah minung 100 leng an thi,hliamhma a tuar mi zei maw zat an um rih tiah an chim.

Hi buaibianak konghe pehtlai in UN nih cun Iraq cozah sin ah nawlpatnak a tuah t’han.nan ram mipi hna cungah hriam nam na hman lo dingah kan duh.zeicatiah hriamnam na hman mi cu Nu hrin covo zei na rel lo biatu a si tiah a chim. cun,Iraq khuapi chungah a um mi UN top official, Jeanine Hennis Plasschaert nih cun Iraq cozah le an mipi hna karlak thil umtu ning cu an karlak ah UN nih hriamnam he dankanh an herh te men lai.cun,mipi lei zongin an hruaitu hna cu tleih hrimhrim an herh fawn.zeicatiah Iraq khuapi Nasiriyah ah political party headquarters pa 6 zong mei in an kangh dih tiah a chim.

Source:BBC

Author: Salai Ephraim