Nai teah khan ISIS ralhrang Ashfaq Ahmas group pawl hna le Indian cozah ralkap pawl hna cu an ram chung bak ah an i kap t’han i,”India cozah ralkap nih ISIS ralhrang an hruaitu Mr.Ashfaq Ahmas cu an thah khawh tiah an chim”cu an i kah hnu in nikhat hnu ah ISIS ralhrang pawl hna nih cun online chung in IS nih India ram chungah hmun khuar ding in hmun kan halh cang mi a um tiah an chim.
ISIS ralhrang pawl hna nih Indian ram chungah hmun kan nei cang tiah an chim mi hi an mah ISIS pawl hna nih cun Arabic min an phuah i an min ah cun (WILAYAH OF HIND) tiah min an sak tiah Amaq news Agency hna nih cun vawlei pi theih ah thawnhzamhnak an tuah.
Hi thil konghe pehtlai in Kashmir senior palik officer pawl hna nih cun zei tik hmanh ah ISIS nih Indian ram chungah hmun an khuar kho lai lo,kan ram chungah um nak nawl an neih lo pin ah, kan rak doh/kah peng hna lai tiah an chim.Cun ISIS pawl hna nih thawnzamhnak an tuah mi cu kan in hnawl piak hna tiah thawngzamhnak an tuah ve t’hiamthiam.
ISIS nih a tu bantuk in Indian ram kongah thawngzamhnak an tuah mi hi ISIS pathian Abu Bakr Al-Baghdadi nih Iraq ram le Syria ram ah a rak lat i mi ram chungah a duh paoh in an rak um bantuk khan Indian ram chungah um an i tim cang rua tiah an chim.
Source: CNN
