ISIS Ralhrang Pawl Hna Nih Iraq Ram Chungah Hmun An Khuar Sual Cang Minung 18 Bak Thah An Si Than

Iraq ram chungah hin American cozah ralkap minung zei maw zat hna cu an hriamnam t’ihnung pawl he an um cuah mah.ISIS ralhrang pawl hna nih cun Iraq cozah ralkap um nak hmun (Western Anbar offensive) ah a um mi pawl hna cu an rak kah tik hna ah Western Anbar offensive um mi Iraq ralkap le American cozah ralkap pawl hna nih i bawm in ISIS pawl hna cu an kah ve tik hna ah ISIS ralhrang pawl hna cu minung 18 bak an thah hna tiah an chim.

Iraq ram chungah a um mi a cozah ralkap le American ralkap hna lak in an hruaitu Joint Operations Command (JOC) media office nih a chim ningah cun ISIS ralhrang pawl hna nih Iraq ram chung a si mi Akashat khua pawng teah hmun an khuar i cu hna cu American cozah ralkap le Iraq ralkap i kawmh mi paramilitary tribal fighter ralkap bu pawl hna nih an kah fawn hna ISIS minung 4 an thah khawh hna tiah a chim.

Cun, Iraq ram le Syria ramri a si mi Sneislah Lake khua ah ISIS pawl hna nih um hmun an khuar t’han i,cu ISIS um nak hmun zong cu kah chih a si.a mah belte hi an kah nak ruangah mithi le hliamhma a tuar mi hna theih khawh a si rih lo tiah an chim.asinain hi an kah nak konghe pehtlai in media hna nih an chim ningah cun ISIS lei in minung 4 an thi t’han tiah an chim.

Cun, ISIS pawl hna nih Nineveh ram chungah hmun a khuar t’han i,Nineveh ram chungah ISIS ralhrang pawl hna um nak zawn cu theih a si lo caah,ISIS an um t’heu lai an ti nak paoh cu Iraq le American ralkap pawl hna nih bomb an thlak pin ah Sekheirat area a velchum pawl hna zongah bomb an thlak dih tiah an chim.Iraq security force nih cun American nih ISIS biatak tein a kah hnu ah cun Iraq ram zong duhsah tein a hung t’hangcho cuahmah cang tiah an chim.

Source: BBC