Israel cozah ralkap hna le Hezbollah tapung pawl hna cu Lebanon ramri ah faklak in an i kah hnu ah Hezbollah tapung pawl hna nih cun a rauh hlan ah Israel ram cu vutcam ah kan canter lai tiah an i hrocer.Hezbollah tapung pawl hna nih Israel ram kahnak ding caah a thli in missile plant an ngei ziar i,cu an hriamnam i chuankhan in Israel cu an ngamh nak a si.
Israel cozah ralkap pawl hna nih Lebanon ramri ah khuasa pawl hna Hezbollah tapung um nak hmun an kah dih hnu in thil sining dothlatnak an vun tuah t’han tik ah Lebanon ram chungah Hezbollah tapung pawl hna nih an i uan ngai mi missile plant cu an hmuh t’han tik ah Israel nih a ran nak in theihternak a tuah cawlh.
Hi konghe pehtlai in Israel nih a chim ningah cun Hezbollah tapung pawl hna nih Lebanon ramri a si mi Bekaa khua pawng al Nabi Shaith khua ah hriamnam sernak zung an ngei i,cu hriamnam an ser nak seh zung hna cu ningcang lo in Iran nih a pek mi hna an si tiah a chim.cun, Hezbollah tapung pawl hna nih Lebanon ramri ah Iran nih a bawmh hna i sehzung hriamnam ser nak an tuah ti mi tehte caah satellite hmangin hman an thlak dih.
Israel nih mah bantuk bia a chim mi kongah Hezbollah tapung pawl hna nih cun al Nabi Shaith khua ah hriamnam sernak sehzung kan ngeih mi kongah Iran ai tel nak a um loh.kum saupi chung kan hman cangmi hriamnam sernak zung a si.hi hriamnam sernak sehzung kan ngeihmi hmangin Iran siseh kan mah he rian a t’uanti mi, midangdang thil zong tampi kan ser piak cang hna tiah a chim.cun, Hezbollah pawl hna nih a ngeihmi hriamnam dangdang hna cu Lebanon ram khuapi a si mi Beirut khuapi chungah an thuh nawh mi tampi a um lai tiah an chim.
Source:AFP
