Israel Cozah Nih Germany Vanlawng Air Boeing 737-400 Chungah Thil Puah Thawng A Theih Caah A Raltuknak Jet F-16 Pahnih Bak In A Dawiter Hna

Germany ram in a rak zuangmi vanlawng Bulgarian charter flight, Electra Air-Boeing 737-400 cu Israel ram nih a pen mi Ben Gurion International Airport ah a t’um ding a si na in Israel cozah nih a rem a ti lo ruangah an ram chungah a t’umter duh lo tiah an chim.asinain Germany vanlawng Ben Gurion International Airport a t’um lai ah a vanlawng kee cu an dih lak in a puak i tumter lo awk a t’hat lo caah duhsah tein t’umter a si.

Israel cozah nih Germany valawng Ben Gurion International Airport t’um a timh lio ah an vanlawng cungin bomb puah thawng bantuk a theih caah fawi tein a t’umter duh lo nak hi a si.Israel cozah nih cun cu bantuk bomb puah thawng a theih caangka tein a cozah nih a neih mi a raltuk nak vanlawng Israeli Military Jet F-16 pahnih hna cu Germany vanlawng Air-Boeing 737 cu a dawiter hna i German vanlawng zuan nak ah neih tein an va zoh tik ah an vanlawng kee a rak kuai tiah an chim.

Cun.Israel cozah nih a raltuk nak Israeli Military Jet F-16 pahnih a zuanter mi hna nih cun Ben Gurion International Airport ah Germany Air-Boeing 737 vanlawng a t’um tiang bak an zulh hna i Ben Gurion International Airport an t’um hnu zongah an vanlawng kee a kuai mi an thlen lio tiang in a chek hlat dih ta hna tiah an chim.cu pin ah Ben Gurion International Airport in a cozah ralkap zei maw zat hna nih cun timhcia bak in an rak bawh hna tiah an chim.

Germany Air-Boeing 737-400 nih hin minung 152 a phur hna i zei maw thil a cang sual lai tiah Israel cozah nih Ambulances 100 renglo bak Ben Gurion International Airport ah a rak chiah hna.asinain Ben Gurion International Airport an phanh ah cun a khawng dengmi an um hraw lo tiah an chim.Israel cozah nih a tu bantuk in Ben Gurion International Airport ah hi tibantuk thil a can hi a voi khat nak lawng a si rih tiah an chim

Source: BBC

Author: Salai Ephraim