Israel prime minister Benjamin Netanyahu nih cun Israel ram nih Palestine ram kan lak mi West Bank ram chungah a thar in inn 300 kan sak t’han lai.cun, hi Inn sak nak konghe pehtlai in Palestine cozah nih zei hmanh nawl a kan ngeih kho lai lo i a holh ve awk zong a si lai lo.zeicatiah cun Israel in hi thil kan tuah duh nak a sullam taktak cu Palestine nih khi hmun cu Israel kut in lak t’han a timh peng ruangah a si.West Bank ram ruangah Palestine nih Israel ram cu hriamnam “bomb” hmangin tuk le kah an kan timh peng tiah a chim.
Kan hnung zarh Ca cawn niruk ni ah khan Palestine ram mi hna nih West Bank ram chungah sullam ngeilo bak in bomb an puah i,cu bomb an puah nak ruangah cun tleirawl kum 17 a thi.cu pin ah a Nu le a Pa zong fak lak in hliamhma an tuar.cu tibantuk in bomb puah nak le ithahnak a chuah hnu ah West Bank ram konghe pehtlai in Israel prime minister Benjamin Netanyahu nih biachahnak a tuah hi a si tiah an chim.
Cun, Israel prime minister Benjamin Netanyahu nih cun a tu hnu cun Israel ram a ralchan i a herh lo ah Israel ram kah le doh a timtu hna cungah cun zei tik hmanh ah Israel nih a zoh sawhsawh ti hna lai lo i,cu tibantuk in Israel a ralchan mi hna caah cun lehrul an si peng cang lai.Israel a ralchan mi hna ram doh nak dingah Israel cozah ralkap le hriamnam cu thuam ching leng mang a si lai tiah a chim fawn.
West Bank ram chungah hin i sikvelh nak le i tuk den nak hna cu a um peng.cu pin ah nichuahlei Jerusalem ram chungah an buai peng fawn i daihnak pakhat hmanh a um kho bak lo. Gaza Strip ram ri ah le buaibainak a chuak peng fawn.cucaah Israel nih cun West Bank ram chung buaibainak a chuak mi hi cu inn kan sak lai i a zor ko lai tiah an ruah.cu hnu ah hmun dangdang buaibainak cu zoh t’han le a herh ning in rian t’uan a si lai tiah Israel nih a chim.
Source: BBC
