Israel Cozah Nih Syria Ram Cu Khu Dih Lak In A Kah Than Rih Zei Ruangah Dah A Kah

Israel cozah nih a raltuknak vanlawng Air Force F-16’s hmangin Lebanon ram lei in Syria ram chungah Iran cozah ralkap um nak hmun le Hizbollah Shia muslim ralhrang pawl hna um nak hmun a kah ciammam t’han i khuaci mui in a tuah t’han hna tiah an chim.a mah belte a tutan ah Israel nih Syrian ram chungum mi Iran ralkap hna le Hizbollah Shia muslim ralhrang pawl hna hi minung zei zat dah a thi i hliamhma a tuar tiah theih a si rihlo.

Hi konghe pehtlai in SANA News nih a chim ningah cun Israel nih Syria ram a kah nak ruangah Syrian civil minung 21 an thi i mah mithi hna chungah hin nausem bawhte zei maw zat an i tel chih tiah a chim.cu pin ah civil minung tam lak te nih hliamhma an tuar pin ah Syria ralkap tampi an thi tiah a chim.asinain kah hnih cozah lei nih cun mithi le hliamhma a tuar mi kongah zei hmanh chim phuan mi an nei rih lo tiah an chim.

Israel cozah nih a raltuk nak vanlawng Air Force F-16’sa thlah mi hna nih hin Damascus khua pawng teah hmun a khur mi Iran’s Revolutionary Guard Corps Air Base le Hamas pawl hna zong a kah chih hna.Israel cozah nih an kah hna nak ruangah mithi le hliamhma a tuar mi zat chim phuan nak cu a tuah lo na in Israeli Chief of Military Staff pawl hna nih cun voi 1,000 bak kah an si i,Israel nih thla 7 chungah a voi khat nak Fak taktak in Syria ram a kah nak a si tiah an chim.

Kan hnu lei ah khan Israel cozah nih Russia ram le American ram hna pin ah National Security Advisers vialte hna he Jerusalem khuapi chungah ton biaruahnak a rak tuahpi cang hna.hi ton biaruahnak an neih lio ah an ceihkhan mi vialte hna hi vawlei pi theih ah le thawnglatu hna sin ah mi zei hmanh nih chim phuan nak an tuah lo i.zei set dah an ceih ti mi hi a tu tiangin theih a si lo.cun Israel nih Lebanon ram lei in Syria an kah nak kongah mi zei hmanh a holh mi le Israel a palh tiah bia a chim mi an um hraw rih lo tiah an chim.

Source: BBC

Author: Salai Ephraim