Israel cozah nih American Trump mi chal in Syria ram a rak lak mi Golan Heights ram mi cu”TRUMP HEIGHTS”tiah min ka sak lai i vawlei pi theih ah namnehnak zong ka tuah te lai tiah a rak chim mi cu.june 17.2019 ah khan Israel PM Benjamin Netanyahu nih cun vawleipi theih ah le Israel ram mipi hna theih ah namnehnak a tuah khawh taktak cang tiah an chim.
Syria ram a si mi Golan Heights ram hi Six Day ral lio ah Israel nih Syria cozah kut in a rak lak.asinain Syria nih a zohkhenh i caan saupi a mah ramta bantuk ah a ruah hnu in American president Trump nih Golan Heights ram cu Israel nih Syria kut in felfai tein a rak lak mi a si caah a tu cu Golan Heights ram cu Israel nih a pen cang awk a si tiah a rak chim pin ah namnehnak zong a tuah.
Cu hnu ah Israel PM Benjamin Netanyahu nih Golan Heights ram cu a mah ram chung mapp ah a telh tik ah Golan Heights ram chungum mi miphun cawh mipi hna nih cun Golan Heights ram cu Israel ram a si lo Syria ram a si tiah an rak buai ve.asinain ci miphun cawh pawl hna aw-ka cu Israel nih zei hmanh aha rel hna lo.cun Golan Heights ramri ah a um mi Syria ralkap pawl hna zong an kir duhlo caah Israel ram nih a rak den bal cang hna.
Israel nih a tutan ah Golan Heights ram ah Trump minchal in a tar mi cu ‘Trump Heights’ ti a si.Hebrew min cun ‘Ramat Trump’ ti a si i asullam cu mah hi American le Israel rian t’uantinak ti khi a si tiah an chim.hi thil kongah Israel nih mahbantuk thil a tuah mi hi Trump nih cun ka lawm tiah a chim.a mah belte Israel nih mah bantuk in lungphun a tuah nak hmun hi Syria nih zei hmanh biachim mi a nei hraw rihlo.zei bantuk in dah bia a chim ve te hnga.
Ref: AFP
