American cozah nih zahan ah khan Iran cozah he ral thawh kan duh lo.asinain Iran cozah nih US cozah he remdaihnak ser a duh lo i nculear hriamnam ser a timh peng a si ah cun,cu cu US cozah nih zei tik hmanh ah a zoh sawhsawh lai lo, zeicahtiah US cozah nih Iran a target duh mi cu Iran nih nuclear hriamnam as er khawh lo nak hnga le a neih khawh lo nak ding kha a si tiah a rak chim.
Cu hnu ah Israel Prime minister Netanyahu nih a nawlh t’han i,vawlei pi nih Iran cozah cu zoh sawhsawh hna hmanh sehlaw zei tik hmanh Israel nih cun Iran cozah cu a zoh sawhsawh lai lo,cun Israel a um chung paoh ah cun Iran nih nuclear hriamnam cu a nei kho lai lo.zeicatiah Iran nih nuclear hriam nam le Atomic bomb ser a timh mi cu vawlei pi nih a duhlo mi le a pawm lo mi a si caah Iran nih a thei ko na in a ser chih a si ah cun a ser rual rual in Iran ram cu vawlei pi nih a tuk cawlh fawn lai tiah tuchun ah a chim t’han.
Cun Prime Minister Benjamin Netanyahu nih cun Iran ram konghe pehtlai in international community hruaitu hna nih a ran nak paoh in Iran ram kong ah biachahnak an tuah piak awk a si cang.zeicahtiah caan karlak ah Iran nih nuclear hriamnam a ser taktak a si ah cun vawlei pumpi huap in buaibainak a chuahter khotu an si cang tiah a chim.cun international community hruaitu hna nih Iran cu nuclear hriamnam ser nak caan t’ha pe hmanh hna sehlaw Israel nih cun a pe ve lai lo tiah Jerusalem khuapi chungah press conference ton biaruahnak an neih nak ah a chim.
Europe foreign ministers nih cun US cozah nih Iran ram cungah thil tuah a duh mi cu tuah ko seh,kan nih zong nih Iran cu kan dirpi ti lai lo,zeicahtiah Iran cozah rian a t’uan ning cu ningcang thil a si lo caah a si tiah a chim ve cang.
Ref: AFP
