Israel ram cu kan theih bantuk in kum khat ah voi hnih bak ithim nak a tuah dingmi an a si.a voi khat nak i ithimnak an rak tuah lio ah phungning tein Prime Minister Benjamin Netanyahu cozah teinak an rak hmuh cang.asinain cozah an ser khawh lo caah a voi hnih nak cu Sep thla chungah i thimnak a ngeih t’han dingmi an a si.Israel nih a voi hnih nak ithimnak a ngeih dingmi konghe pehtlai in Israel ram mifim tampi hna nih an chim mi cu a tutan ithimnak ah hin Prime Minister Benjamin Netanyahu cu a tla kho a si cang.Prime Minister Benjamin Netanyahu tla sehlaw Israel ram cu zei dah a lawh lai tiah bia al nak tampi an tuah.
Israel ram mifim tampi hna nih an chim mi cu Prime Minister Benjamin Netanyahu a tlak a si ah cun Israel ram cu chim awk a um ti lai lo.Israel ram cu tapung le ralhrang hna nih cikhat ah an rawh lai tiah an chim.zeicatiah Prime Minister Benjamin Netanyahu nih cu Israel ram prime minister lawng si lo in defense minister rian a kan t’uan piak tu zong a si.Israel ram cu him tein a um khawh nak ding caah biaral in siseh, hriamnam in siseh,a lam kip in ral a do ngam mi a si.Iran ral in luat nak a hmu,Hezbollah tapung hna le Hamas tapung,Palestine tapung hna zong a kham khawh hna.cucaah Prime Minister Benjamin Netanyahu bantuk in Israel ram caah rian a t’uan ngam ding an um hraw rih lo tiah an chim.
Prime Minister Benjamin Netanyahu hi cuhlan ah cun United Torah Judaism party pawl hna nih thazaang an rak pek in an rak dirkamh ngai.asinain a tu ah cun United Torah Judaism party hna le Ultra Orthodox party hna chungin Prime Minister Benjamin Netanyahu thazaang a petu hna an tlawm te cang.cun,Prime Minister Benjamin Netanyahu nih Israel ram a pen chungah hin (criminal cases) pathum a ngei tiah an chim i cu konghe pehtlai in Attorney General Avichai Mandelblit nih cun zahan ah fianternak a tuah i,Prime Minister Benjamin Netanyahu an puh nak criminal cases hna cu fian tein dothlatnak tuah a si.ningcang lo in sual an phawt mitu a si tiah a chim.
Asinain Israel ramkheltu tampi hna nih Prime Minister Benjamin Netanyahu (criminal cases) pending si seh an ti caah pending in an chiah piak t’han.cun Israel Hayom newspaper nih a chim ningah cun Prime Minister Benjamin Netanyahu nih a thli in a hnuzultu pawl hna cu rian a fial hna i ningcang lo in a mah cozah t’hat nak konglam hna cu chawva tampi pek in Israel media pawl hna thanhnak a tuah ter hna tiah an chim.Israel Walla website nih cun Prime Minister Benjamin Netanyahu nih a tutan ithim nak ah teinak a hmuh lo a si ah cun Prime Minister Benjamin Netanyahu nih a rian a chuah tak ni cu a ni lila in Israel ram cu a rawh ni a si kho ve tiah a chim.
Source: Time Of Israel
