Israel Minung A Thong Renglo An I Pumh Lio Ah Palestine Musial Pawl Hna Nih An Phomh Hna

Tuzing ah khan Jerusalem khuapi chung Al Aqsa mosque khua chungah Israel palik ral vengtu hna le Palestinian Musilm pawl hna karlak ah biatak tein i kah dohnak a chuak t’han tiah an chim.hi i kah dohnak konghe pehtlai in an buai nak hi Judah mi phun hna le Muslim karlak buaibainak ruangah a si cem.cun Al Aqsa mosque ram chungah hin Judah miphun hna nih an Pathian biaknak caah The Temple Mount an sak ve tik ah cu an sak mi cu Muslim pawl hna kut in humhim peng an tim.

Cun Muslim pawl hna nih an pathian nak caah an sak ve mi hmun hna cu Judah mi hna le biaknak dang hna nih pal le va kal ve kha an siang ve lo ruangah cu hlan zongah mah ka hmun ah hin Israel palik le Palestine Muslim pawl hna karlak ah buainak tampi a rak chuak bal cang.June 3 hi Israel ram mipi hna nih Jerusalem khuapi chung ah an an aalan(flag) i put in an vah ni a si.mah ni hi Israel nih cun “March of Flags”tiah an kawh mi ni a si.

 

Israel nih “March of Flags”ni a hman hi kum 1967 lio khan chaklei Jerusalem khuapi chungah cun mah ti hin Israel mipi hna nih kum fa tin caan an hman peng mi a si.cun Israel ram mipi hna nih cun Jerusalem khuapi chung lampi vialte hna cu an zawh i lam zawh mi hna pawl nih cun Jerusalem khua hlun ti mi Muslim Quarter cu an va pal chih ruangah Muslim pawl hna nih cun an rak phomh hna hi a si.

Muslim pawl hna nih mah bantuk in Israel mipi an rak phomh hna nak hi Muslim pawl hna nih an rawl ulh thlacam ni”Ramadan” caan he a khat sual caah Judah mi pawl hna nih kan biaknak nan kan sersat tiah an i ruah i an rak phomh hna.amah belte hi buaibainak ruangah mithi le hliamhma a tuarmi hna an langhter rih lo.

Source: Israel Time

Author: Salai Ephraim