Israel Defense Forces,Channel 12 nih thawngthanhnak a tuah ningah cun Israel ram rawh dingah rian a t’uan cuahmah mi le Israe kah dingin a tim lam cuahmah mi Hezbollah ralhrang pawl hna cu an cawlcangh manh hlan ah Israel nih kah dingin timhlamhnak ngeih a si cang tiah an chim.
Hezbollah ralhrang pawl hna hi a thli in Iran ram a dirkamh taktak tu le Iran ram caah nun nak pek bak in rian a t’uan piaktu hna ralhrang an si.Hezbollah hna nih hin Israel ram cu luh hnawh in a khangh bak in khangh dingin timhtuah nak an ngei i,cu thil ruangah Isarel PM zong nih a rak chim cangmi cu Iran ram ruangah Israel cu Hezbollah nih an kan kah khawh taktak ko.cucaah Israel ram nih kan mipi hna humhimnak caah rian t’uan hram kan thok ve cang tiah a rak chim.
Naite ah khan Lebanon ram chungah khuasa mi hna Iran hawi t’ha Hezbollah pawl hna cu Israel cozah nih a raktuk nak vanlawng hmangin ruahlo pi in a va kah hna tik ah Hezbollah pawl hna nih cun Israel ram cu Missile Program hriam nam hmangin kah an timh i an i hrocer.asinain Israel nih a ram humhim nak caah a hman mi hriamnam in Hezbollah Missile Program sining a zoh tik ah Hezbollah pawl hna nih hi an hriamnam hmanh in kap hna sehlaw Israel ram cu zei pipa khin a deng kho lai lo tiah Channel 12 nih a chim.
Hezbollah ralhrang hruaitu Hassan nih cun kan ngeih mi Missile Program hmangin Israel kan kah hna a si ah cun Israel ram mi hna cungah veel a um lai lo.a mi zei hmanh kan thah dih khawh hna.cu thil cu a rauh hlan ah Israel ram caah t’ah-ai hram nak thawngpang t’ihnung a si lai tiah a chim.asinain Israel nih a chim ningah cun ralhrang pawl hna cawl hlan ah Israel a cawlcang lai tiah a chim.
Surce: AF
