Israel Nih American Ram Dirkamhtu Dingah Ramkip Hruaitu Hna Cu A Sawm Cuahmah Cang Hna

American cozah le Iran cozah i dohnak konghe pehtlai in Israel ram nih cun American le Iran an i doh taktak ding a si ah cun American cawlcangh hlan ah kei mah nih Iran cu ka doh/kah hmasa lai tiah a chim.The Washington Post nih a chim ningah cun Trump nawl pek nak in American Cyber ralkap pawl hna nih Iranian computers system cu an rawh piak hna na in Iranian computers system hi zei tluk in dah an rawh piak i Iran nih zei bantuk harsatnak dah an neih ti cu theih a si lo tiah a chim.

Cun,Trump nih a cozah Cyber ralkap pawl hna nawl a pek ning hna ah cun Iran cozah nih a neihmi a hriamnam control nak thilri vialte hna le Rocket controls, missile etc tibantuk pawl hna cu a dih lak in rawh piak dingah nawl a pek mi hna an si tiah a chim.cun,Iran cozah nih Saudi Aramco rian t’uan nak cmputer 30,000 lengkai a rak rawh piak cang hna.cu pin ah Trump cozah nih a cozah ralkap le a hriamnam pawl hna Persian Gulf le Strait of Hormuz ah a chiahmi hna cu a thli in an rian t’uan nak computer hna cu rawhpiak(hack) a timh peng hna na in zei hmanh Iran nih a tuah kho lo tiah an chim.

 

Israeli Defense Force Chief of Staff Gen nih a chim ningah cun American le Iran cozah i doh nak ruangah Israel PM Benjamin Netanyahu cu Israel ram in vawlei cung ram uk bawi vialte hna sin ah American ram dirkamhtu sidingin va sawm hna dingah a vak cuahmah cang tiah a chim.cun Defense Force Chief of Staff Gen nih cun Israel PM Benjamin Netanyahu nih a ram chuahtak in American ram caah a khual a tlawng ko na in Israel ram kongah zei hmanh kan thin phan mi a um lo.Israel ram rawh duh ah Nichuahlei Israel ramri ah misual rual tampi an um ti cu kan theih ko na in cu hna pawl cu Israel nih zei ah kan rel hna lo,kan duh a si ah cun cikhat ah an holhthlau dih khawh ko hna tiah a chim.

Cun,Israel PM Benjamin Netanyahu t’hit hruainak in hmaizarh chungah hin American le Russia le Israel ram hna cu Iran ram konghe pehtlai in ton biaruah nak neih ding in an i tim.hi konghe pehtlai in Russian President Vladimir Putin nih cun American nih Iran na kah/doh taktak sual ah cun Middle East ram chungah buainak na chuahter lai.cucaah Iran ram cu na tongh lo ah a t’ha lai tiah a chim.asinain Russian President Vladimir Putin nih cu bantuk bia a chim mi kongah American nih lehnak zei bia hmanh a chim rihlo tiah an chim.

Source: Israel Time

Author: Salai Ephraim