Israel Nih Hramhram In West Bank Ram Cu Hmun 7 Ah Then In Judah Miphun Pen Nak Ram Kauter A Timh

Israel ram nih Palestinian kut in West Bank ram a rak chuah/ting mi cu Israel miphun a si lo ah Judah miphun hna humhim nak ding caah le fawi tein a miphun t’hen hei khawh nak ding caah West Bank ram a kut ah a um mi cu hmun 7 ah t’hen cheu in ramri ser dih a timh ko cang.hi konghe pehtlai in Israel defence minister Naftali Bennett nih a chim nak ah cun Israel nih mah bantuk timhtuahnak kan ngeih mi hi Judah miphun hna humhim nak ding caah a si bik tiah a chim.

Cun,West Bank ram cu hmun 7 ah cheu in Israel cozah kut tangah chiah dih a si cang lai. West Bank ram chung thil chuak si seh,hmunhma kongah si seh,khi ram chung thil chuak mi vialte hna cu Israel cozah nih a theihpi dih cang lai i,kum caan saupi a rak vakvai mi le Judah miphun hna um nak ram cu kauhter chin lengmang a si cang lai Prime Minister Benjamin Netanyahu nih a chim.

West Bank ram chungah “Area C “ti in an kawh mi hmun hna khi cu 60% tluk hi Israel ram a si caah Jordan ram he a peh mi a si caah hi tibantuk in ramri a vun tuah a si ah cun Judah miphun hna pen nak ram cu a kau taktak cang lai tiah AP nih cun a langhter.cun,Prime Minister Benjamin Netanyahu nih Judah miphun pennak ram kauter ding le Israel rammi hna humhim nak caah tuah a timh mi cu Pu.Benjamin Netanyahu,Israeli Prime Minister sinak cuh a timtu Minister of Defense Naftali Bennett zong nih a lungtlin pi ngaingai tiah an chim.

Israel nih hi tibantuk in thil tuah a timh mi kongah Palestinian foreign ministry le Palestiniain Authority hna nih cun Israel nih West Bank ram cu hmun 7 ah t’hen cheu in Judah miphun hna pennak ram kauter a timh mi cu ningcang thil a si lo caah UN le international court biaceih zungah taza cuai an si lai tiah a tarlangh cawlh ve. Israeli settlement watchdog Peace Now nih cun Israel nih West Bank ram t’hencheu a timh nak hmun hna hi (hectare 5,300) renglo a si i, 40% tluk hmun cu Palestinian ram mirum pumpak hna nih an mah duh in hmunhma an i ser nak hmun an si tiah a chim.

Source: Middle East News

Related Posts